అఖిల్ మూవీకి ఇంటరెస్టింగ్ టైటిల్..!

టాలీవుడ్ యువహీరో అక్కినేని అఖిల్ ప్రస్తుతం తన తదుపరి సినిమా గురించి సన్నద్ధం అవుతున్నాడు. ఇటీవలే మోస్ట్ ఎలిజిబుల్ బ్యాచిలర్ అనే సినిమా కంప్లీట్ చేసాడు. బొమ్మరిల్లు భాస్కర్ దర్శకత్వంలో తెరకెక్కిన ఈ సినిమాలో అఖిల్ బ్యాచిలర్ కుర్రాడిగా అలరించనున్నాడు. ఆ సినిమా త్వరలోనే విడుదల కానుండగా.. అఖిల్ 5వ సినిమాను పట్టాలెక్కించే పనిలో పడ్డాడు. ఇప్పటివరకు అఖిల్ కెరీర్ పరంగా ఒక్క హిట్ కూడా అందుకోలేకపోయాడు. మరి ఎలిజిబుల్ బ్యాచిలర్ గా అయినా ఫస్ట్ హిట్ అందుకుంటాడని అంతా భావిస్తున్నారు. నిజానికి అఖిల్ తో అక్కినేని ఫ్యామిలీ మొత్తం బ్యాచిలర్ మూవీ పై భారీ ఆశలే పెట్టుకున్నారు. ఇదిలా ఉండగా.. రేపు ఏప్రిల్ 8న అఖిల్ కొత్త సినిమా పోస్టర్ తో పాటు టైటిల్ కూడా రిలీజ్ చేయనున్నారు మేకర్స్.

అఖిల్ 5వ సినిమాను డైరెక్టర్ సురేందర్ రెడ్డి తెరకెక్కించనున్నాడు. ఇప్పటికే స్క్రిప్ట్ మొత్తం సిద్ధం చేసి షూటింగ్ త్వరగా ప్రారంభించేందుకు వెయిట్ చేస్తున్నాడు. తాజాగా ఈ సినిమాకు సంబంధించి కొన్ని వార్తలు సోషల్ మీడియాలో చక్కర్లు కొడుతున్నాయి. అదేంటంటే.. సురేందర్ రెడ్డి సినిమాలో అఖిల్ స్పై క్యారెక్టర్ పోషిస్తున్నట్లు టాక్. ఈ భారీ బడ్జెట్ యాక్షన్ థ్రిల్లర్ గా తెరకెక్కనున్న ఈ సినిమాకు టైటిల్ కూడా ఇదే అంటూ ఊహగానాలు వ్యక్తం అవుతున్నాయి. అఖిల్ - సురేందర్ సినిమాకు 'ఏజెంట్' అనే టైటిల్ పరిశీలిస్తున్నట్లు సమాచారం. మరి అదేనో కాదో రేపు తెలిసిపోతుంది. అలాగే ఈ సినిమాలో హీరోయిన్ క్యారెక్టర్ గురించి కూడా పలువురి పేర్లు వినిపిస్తున్నాయి. ఆ విషయంలో మేకర్స్ క్లారిటీ ఇవ్వాల్సి ఉంది. ఈ సినిమాను ఏకే ఎంటర్టైన్మెంట్స్ పతాకంపై అనిల్ సుంకర నిర్మిస్తున్నాడు.