AAA గురించి బన్నీకి తెలుసా ?

మెగా కాంపౌండ్ నుంచి ఎందరు హీరోలు ఉన్నా ఎవరికి వారికి విడిగా సెపరేట్ ఫ్యాన్ బేస్ ఉన్న సంగతి ఓపెన్ సీక్రెట్. కాకపోతే వ్యక్తిగతంగా తాము ఎవరిని ఇష్టపడిన సదరు అభిమానులు మెగా సినిమాలు వచ్చినప్పుడు అవతలి వాటిపై కామెంట్స్ చేయకుండా సపోర్ట్ చేస్తూ ఉండటం ఇప్పటిదాకా జరిగిన వ్యవహారం. ఆ మధ్య సారీ బ్రదర్ ఇష్యూలో బన్నీ కొంత కాలం పవన్ ఫ్యాన్స్ కి దూరమవ్వాల్సి వచ్చినా గత ఏడాది ఫిలిం ఛాంబర్ కు నిరసన తెలపడానికి వచ్చిన పవన్ కళ్యాణ్ కు ముందుగా సపోర్ట్ ఇచ్చింది బన్నీనే కాబట్టి అంతా సమిసిపోయింది అనుకున్నారు.

పవన్ జనసేనలో బిజీ అయిపోయి సినిమాలు వదిలేశాక అందరూ దాదాపు మర్చిపోయారు. ఇక విషయానికి నిన్న కాకినాడకు వచ్చిన అల్లు అర్జున్ కు గ్రాండ్ వెల్కమ్ దక్కింది. జనం పోటెత్తారు. తను సైతం ఇంత భారీ సందోహం చూసి ఉక్కిరిబిక్కిరి అయ్యాడు. ఇక అభిమానుల హంగామా గురించి చెప్పేదేముంది. అయితే ఆ గుంపుల మధ్యలో జెండాలు కనిపించడం వాటి మీద అల్లు అర్జున్ ఆర్మీ అని ఉండటం అందరిని ఆశ్చర్యపరిచింది. ఇప్పటిదాకా అలాంటి కాన్సెప్ట్ లేదు.

ఎలాగూ చిరు చరణ్ పవన్ ను సెపెరేట్ ఫ్యాన్ బేస్ లను ఎంజోయ్ చేస్తున్నారు కాబట్టి తమ హీరోకు అలా ఎందుకు ఉండకూడదనుకున్నారో ఏమో మొత్తానికి ఆర్మీ పేరుతో బన్నీ ఫ్యాన్స్ కొత్త చర్చకు దారి తీశారు. ఇది అల్లు అర్జున్ కు తెలిసే జరుగుతుందా లేక తానూ అప్పటికప్పుడు కాకినాడ వెళ్ళినప్పుడే చూశాడా అనేది అంత ఈజీగా అర్ధమయ్యే విషయం కాదు. తనకా ఉద్దేశం ఉందో లేదో కానీ తెలుగు రాష్టాలతో పాటు కేరళలో సైతం బలమైన మార్కెట్ ఉన్న తమ హీరో మీద అభిమానం ఈ ఆర్మీ పెట్టుకున్నామని సదరు ఫ్యాన్స్ చెప్పడం కొసమెరుపు