ఫ్యాన్స్ విష‌యంలో బాల‌య్య పంథా మారిన‌ట్టేనా?

నంద‌మూరి బాల‌కృష్ణ కు ఫ్యాన్స్ లో ఎవంత మాస్ ఫాలోయింగ్ వుందో అంద‌రికి తెలిసిందే. ఉభ‌య తెలుగు రాష్ట్రాల్లోనే కాకుండా ఓవ‌ర్సీస్ లోనూ బాల‌య్యకు ఓ రేంజ్ ఫ్యాన్ ఫాలోయింగ్ వుంది. ఓవ‌ర్సీస్ లో బాల‌య్య ఫ్యాన్స్‌ చేసిన ర‌చ్చ కార‌ణంగా థియేట‌ర్ యాజ‌మాన్యం షోని మ‌ధ్య‌లోనే ఆపేసిన విష‌యం తెలిసిందే. ఈ రేంజ్ ఫ్యాన్ ఫాలోయింగ్ వున్న బాల‌య్య గ‌త కొంత కాలంగా వారికి దూరంగా వుంటూ వ‌చ్చారు. ప‌లు సందర్భాల్లో ఫ్యాన్స్ తో బాల‌య్య వివాదాస్ప‌దంగా వ్య‌వ‌హ‌రించ‌డం వార్త‌ల్లో నిలిచింది కూడా.

త‌న‌ని విష్ చేయ‌డాన‌కి ప్ర‌య‌త్నించిన ఫ్యాన్స్ ని కొట్ట‌డం చేస్తుంటార‌ని, వారిని బాల‌య్య అక్కున చేర్చుకున్న సంద‌ర్భాలు చాలా త‌క్కువేననే కామెంట్ లు వినిపించిన విష‌యం తెలిసిందే. సినిమా సెట్ లో, ప‌బ్లిక్ ఈవెంట్ ల‌లో.., పార్టీ ప్ర‌చారంలోనూ త‌న‌కు ఎదురుప‌డిన ఫ్యాన్స్ పై బాల‌య్య వీరంగం వేసిన వీడియోలు నెట్టింట వైర‌ల్ కావ‌డంతో బాల‌య్య ఫ్యాన్స్ విష‌యంలో మార‌డా? అనే కామెంట్ లు వినిపించాయి. అయితే ఫ్యాన్స్ మాత్రం బాల‌య్య కొడితే అదో గౌర‌వంగా భావించారు.

బాల‌య్యని ఎక్క‌డా విమ‌ర్శించ‌లేదు. బాల‌య్య ఎంతగా కొడుతున్నా అభిమానులు ఆయ‌న‌పై ప్రేమ‌ను, గౌర‌వాన్ని ప్ర‌ద‌ర్శిస్తూ వ‌స్తున్నారు. కానీ బాల‌య్య లో మాత్రం మార్పు క‌నిపించ‌డం లేద‌ని కామెంట్ లు వినిపించాయి. అయితే తాజాగా బాల‌య్య‌లోనూ అభిమానుల విష‌యంలో మార్పు వ‌చ్చిన‌ట్టుగా క‌నిపిస్తోంది.

గ‌తంతో పోలిస్తే బాల‌య్య అభిమానుల‌కు అండ‌గా నిలుస్తున్నారు. వారి బాధ‌ల్ని పంచుకుంటున్నారు. రీసెంట్ గా అనంతపురం కు చెందిన ఓ అమ్మాయి బోన్ క్యాన్స‌ర్ తో బాధ‌ప‌డుతోంద‌ని తెలుసుకున్న బాల‌కృష్ణ త‌న‌కు అయ్యే ఖ‌ర్చుని తానే భ‌రించి చికిత్స చేయించ‌డం తెలిసిందే.

ఇక నంద్యాల‌లో `వీర సింహారెడ్డి` బ్యాన‌ర్ లు క‌డుతూ ఓ అభిమాని గాయాల పాల‌య్యాడు. చేయి విర‌గ‌డంతో త‌ను చికిత్స పొందుతున్నాడు. విష‌యం తెలుసుకున్న అభిమానిని బాల‌య్య స్వ‌యంగా హైద‌రాబాద్ ఆహ్వానించి వారితో స‌ర‌దాగా గ‌డిపి త‌న ఉదార స్వ‌భావాన్ని చాటుకున్నాడు. అత‌ని గాయం, చికిత్స గురించి బాల‌య్య అడిగి తెలుసుకున్నార‌ట‌. అంతే కాకుండా మిగ‌తా అభిమానుల యోగ క్షేమాలు కూడా అడిగి తెలుసుకున్న‌ట్టుగా తెలుస్తోంది.

బాల‌య్య‌లో ఉన్న‌ట్టుండి ఈ స్థాయిలో మార్పులు చోటు చేసుకోవ‌డానికి ప్ర‌ధాన కార‌ణం అన్ స్టాప‌బుల్ టాక్ షో అని తెలుస్తోంది. ఈ టాక్ షో వ‌ల్ల బాల‌య్య‌లో చాలా మార్పులు చోటు చేసుకున్నాయ‌ని, ఆ మార్పుల కార‌ణంగానే బాల‌య్య అభిమానుల విష‌యంలో సానుకూలంగా స్పందిస్తున్నార‌ని ఇన్ సైడ్ టాక్.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.