వ్వాట్‌! రౌడీ బ్రాండ్ కి బ‌న్ని ప్ర‌మోష‌నా?

స్టైలిష్ స్టార్ అల్లు అర్జున్ తో రౌడీ స్టార్ దేవ‌ర‌కొండ స్నేహం గురించి తెలిసిందే. విజ‌య్ న‌టించిన గీత గోవిందం చిత్రానికి బ‌న్ని ప్ర‌మోష‌న‌ల్ సాయం క‌లిసొచ్చింది. ఆ క్ర‌మంలోనే బ‌న్నీపైనా.. త‌న నిర్మాత‌లైన‌ గీతా ఆర్ట్స్ అధినేత అల్లు అర‌వింద్ పైనా దేవ‌ర‌కొండ ఎంతో ఎమోష‌న‌ల్ గా స్పందించాడు. ప‌రిశ్ర‌మ‌లో బ్యాక్ గ్రౌండ్ తో ప‌ని లేకుండా త‌న‌కు సాయం చేసిన అల్లు ఫ్యామిలీకి కృత‌జ్ఞ‌త‌లు తెలిపాడు.

ఆ అభిమానం విజ‌య్ కి ఎప్ప‌టికీ ఉంటుంది. త‌న కెరీర్ కి కీల‌క‌మ‌లుపునిచ్చిన ఫ్యామిలీ అల్లు ఫ్యామిలీ అన్న‌ది అత‌డి న‌మ్మ‌కం. అందుకే ఇప్పుడు సంక్రాంతి కానుక‌గా రౌడీ బ్రాండ్ టీష‌ర్టుల్ని అల్లు అర్జున్ కి పంపించాడు. ఆ కానుక‌ను స్వీక‌రించి అల వైకుంఠ‌పుర‌ములో స‌క్సెస్ వేదిక‌కు అదే టీష‌ర్టును తొడుక్కుని వస్తాన‌ని విజ‌య్ బ్ర‌ద‌ర్ కి బ‌న్ని మాటిచ్చాడు.

ఎట్ట‌కేల‌కు మాట నిల‌బెట్టుకున్నాడు. నిన్న‌టి రోజున అల‌.. స‌క్సెస్ వేదిక‌పై రౌడీ బ్రాండ్ టీష‌ర్టునే తొడుక్కున్నాడు. బ్లాక్ క‌ల‌ర్ ఫుల్ హ్యాండ్స్ టీష‌ర్ట్ బ‌న్నీకి ప‌ర్ఫెక్ట్ గా కుదిరింది. దానికి స్టైలిష్ మ్యాచింగ్ సెట్ చేసుకుని మ‌రీ బ‌న్ని వేదిక‌పైకి వ‌చ్చాడు. టపాసులు కాల్చి స‌క్సెస్ సెల‌బ్రేష‌న్స్ లో ఉన్న బ‌న్ని ఫోటోలు అభిమానుల్లోకి దూసుకెళ్లాయి. అలా మొత్తానికి రౌడీ బ్రాండ్ కి కూడా ప్ర‌చారం క‌లిసొచ్చింది. ఇటు రౌడీ ఫ్యాన్స్ అటు బ‌న్ని ఫ్యాన్స్ ఈ రౌడీ బ్రాండ్ కి త‌మ‌వంతు ప్ర‌చారం చేసేస్తున్నారు. మొత్తానికి అభిమానంతో టీష‌ర్టులు పంపించినా వాటికి బ‌న్ని త‌ర‌పున బోలెడంత ప్ర‌చారం రావ‌డం చూస్తుంటే.. రౌడీ ప్లాన్ బావుందే అనిపిస్తోంది.