ఆ సినిమాలో రాంచరణ్ పాత్ర కూడా మెగాస్టారే చేస్తున్నాడట!!

మెగాస్టార్ చిరంజీవి 152వ సినిమా పై రోజురోజుకి అంచనాలు భారీ లెవల్లో పెరుగుతున్నాయి. ఈ సినిమాను టాలీవుడ్ సక్సెస్ ఫుల్ డైరెక్టర్ శివ కొరటాల తెరకెక్కిస్తుండగా మాట్నీ ఎంటర్టైన్మెంట్ మరియు కొణిదెల ప్రొడక్షన్స్ వారు సంయుక్తంగా నిర్మిస్తున్నారు. ఈ సినిమాకు ఆచార్య అనే పేరును ఖరారు చేశారు. ఇప్పటికే చాలా వరకు ఈ చిత్ర షూటింగ్ పూర్తయింది. త్వరలో తదుపరి షెడ్యూల్ మొదలుకావాల్సి ఉందట. సామాజిక అంశానికి కమర్షియల్ ఎలిమెంట్స్ జోడించి కొరటాల ఈ చిత్రాన్ని తెరకెక్కిస్తున్నారు. అయితే తాజాగా ఈ సినిమా గురించి ఆసక్తికరమైన విషయం తెలిసింది.

ఈ సినిమాలో రాంచరణ్ ఓ కీలకమైన పాత్రలో కనిపించనున్న విషయం తెలిసిందే. అయితే ఈ సినిమాలో రాంచరణ్ పాత్ర దాదాపుగా 30 నుండి 40నిముషాల వరకు ఉంటుందట. తాజా సమాచారం ప్రకారం.. ఈ సినిమాలో మరో కీలక పాత్రలో మెగా వారసురాలు నిహారిక నటించనుందని తెలిసిందే. ఇదివరకే మెగాస్టార్ 'సైరా'లో ప్రత్యేక పాత్రలో కనిపించింది నిహారిక. ఇప్పుడు నిహారిక పేరు కూడా ఈ ప్రాజెక్టులో వినిపిస్తుండటంతో, మెగా అభిమానుల్లో మరింత ఆసక్తిని పెరిగింది. అయితే కరోనా కారణంగా ఆర్ఆర్ఆర్ సినిమా షూటింగ్ వాయిదా పడుతూ వస్తుంది.

రాంచరణ్ అల్లూరి సీతారామరాజుగా నటిస్తుండగా.. ఈ సినిమా షూటింగ్ చాలా మిగిలిఉందని నిర్మాత తెలిపారు. అయితే ఆర్ఆర్ఆర్ తో పాటు రాంచరణ్ ఆచార్యలో కూడా పాల్గొనాల్సి ఉంది. కానీ ఇప్పుడున్న పరిస్థితులలో ఆచార్యలో పాల్గొనే అవకాశం కనిపించడం లేదట. అందుకోసం ఆ 30 నిమిషాల నిడివిని 15 నిముషాలు చేసేయ్యాలని చిరు, కొరటాల డిసైడ్ అయ్యారట. అంతేకాదు చరణ్ చెయ్యాల్సిన పాత్రను కూడా చిరునే చేయాలనీ నిర్ణయం తీసుకున్నట్లు సమాచారం. మరి ఈ వార్తలో నిజమెంతో తెలియాలంటే కొంతకాలం ఆగాల్సిందే!