వంశీ పైడిపల్లిపై దిల్ రాజు గరంగరం!?

మహేష్ బాబుతో మహర్షి సినిమా తీసిన వంశీ పైడిపల్లి కమర్షియల్ దర్శకుడిగా మంచి మార్కులు కొట్టేశాడు కానీ ఫ్యాన్స్ ను అయితే ఆ సినిమా పూర్తి స్థాయిలో ఆకట్టుకోలేదు. ఇక ఆ సినిమాకు నేషనల్ అవార్డు రావడం కూడా ఆశ్చర్యం అనేవాళ్ళు కూడా ఉన్నారు. ఇక వంశీ కెరీర్ లో పెద్దగా ప్రయోగాలు చేసింది ఏమి లేదు. ఎంత  డిఫరెంట్ కథ తీసుకున్నా కూడా అదే పాత మసాలా కలిపేస్తుంటాడు అనే విమర్శ ఉంది.

ఇక అతని ట్రాక్ రికార్డును పక్కన పెడుతే ఇప్పుడు విజయ్ తో వారసుడు సినిమా చేస్తుండడం అతనికి జాక్ పాట్ అని చెప్పవచ్చు. ఇక ఆ సినిమా ఎలాంటి రిజల్ట్ అందుకుంటుందో కానీ ఇప్పుడు మాత్రం ట్రోలర్స్ కు ఫుల్ మీల్స్ ఇస్తోంది. దాదాపు మహర్షి ఫార్మాట్ లోనే సినిమా ఉంటుందని కామెంట్స్ వస్తున్నాయి. అదాలా ఉంచితే.. వంశీ పైడిపల్లి ఇటీవల మాట్లాడిన తీరు నిర్మాత దిల్ రాజుకు కోపం తెప్పించినట్లు తెలుస్తోంది.

ఒక తమిళ మీడియాలో మాట్లాడిన వంశీ వారసుడు కంప్లీట్ తమిళ్ సినిమా అని బలంగా చెప్పాడు. ఇక తమిళ సినిమా అయినప్పుడు సంక్రాంతి ఫెస్టివల్ లో తెలుగులో అయితే తక్కువ థియేటర్లు వస్తాయని నెటిజన్లు గట్టిగానే వేసుకున్నారు. అసలే విడుదలైన రెండు మూడు షూటింగ్ స్టిల్స్ కు మహర్షి ఫ్లేవర్ గుప్పుమంటోంది.

ఈ తరుణంలో వంశీ ఇది పూర్తిగా తమిళ సినిమా అని అనడంతో మహర్షిని రీమేక్ చేసినట్లు ఉన్నారని తెలుగు నెటిజన్లు తమిళం ఆడియెన్స్ కు మండేలా ట్రోల్ మొదలెట్టేశారు. ఇక దిల్ రాజు ఇది కరెక్ట్ కాదని వంశీ పై కాస్త గరమైనట్లు తెలుస్తోంది. వారిద్దరి మధ్య సోదర భావం ఉండడంతో కాస్త గట్టిగా వాదించుకున్న సందర్బాలు ఉన్నాయట.

ఇక దిల్ రాజు ఆ చనువుతో గట్టిగానే కౌంటర్ ఇచ్చి ఉండవచ్చనే కామెంట్స్ అయితే వస్తున్నాయి. ఏదేమైనా వారసుడు సినిమాకు తెలుగులో రిలీజైతే గాని కలెక్షన్స్ ఎలా ఉంటాయనేది ఊహించడం కష్టం. ఇక విజయ్ అయితే ఈ సినిమాతో తెలుగు మార్కెట్ పై పట్టు సాధించాలని అనుకుంటున్నాడు. ఇక దిల్ రాజు కూడా అటు తమిళంలో కూడా బిగ్ హిట్ తో బిజినెస్ చేసుకోవాలని కోరుకుంటున్నాడు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.