విజ‌య్ కోసం దిల్‌రాజు ప‌వ‌న్‌ని దించేస్తున్నాడా?

టాలీవుడ్ స్టార్ ప్రొడ్యూస‌ర్ దిల్ రాజు అత్యంత భారీ స్థాయిలో నిర్మిస్తున్న లేటెస్ట్ త‌మిళ మూవీ 'వారీసు'. ఇళ‌య‌ద‌ళ‌ప‌తి విజ‌య్ హీరోగా న‌టిస్తున్నాడు. వంశీ పైడిప‌ల్లి డైరెక్ట్ చేస్తున్న ఈ మూవీని తెలుగులో 'వార‌సుడు' పేరుతో భారీ స్థాయిలో రిలీజ్ చేస్తున్న విష‌యం తెలిసిందే. త‌మిళ‌, తెలుగు భాష‌ల్లో 2023 సంక్రాంతి సంద‌ర్భంగా జ‌న‌వ‌రి 12న అత్యంత భారీ స్థాయిలో ఈ మూవీని రిలీజ్ చేయ‌బోతున్నారు. ఇప్ప‌టికే రికార్డు స్థాయి థియేట‌ర్ల‌ల‌ని ఈ మూవీ కోసం దిల్ రాజు సిద్ధం చేశార‌ని వార్త‌లు వినిపిస్తున్నాయి.

ర‌ష్మిక మంద‌న్న హీరోయిన్ గా న‌టిస్తున్న ఈ మూవీ రిలీజ్ కి టైమ్ ద‌గ్గ‌ర ప‌డుతున్న నేప‌థ్యంలో స్టార్ ప్రొడ్యూస‌ర్ దిల్ రాజు ప్ర‌మోష‌న్స్ ని జోరుగా మొద‌లు పెట్టేశారు. ఇప్ప‌టికే 'రంజిత‌మే..' , తీ ద‌ళ‌ప‌తి.. ' అంటూ సాగే రెండు లిరిక‌ల్ వీడియోల‌ని రిలీజ్ చేశారు. నెట్టింట ఇవి రికార్డు స్థాయి వ్యూస్ లో రికార్డులు సాధిస్తూ సినిమాపై భారీ బ‌జ్ ని క్రియేట్ చేస్తున్నాయి. ఇదిలా వుంటే ఈ మూవీ కోసం ఏకంగా దిల్ రాజు .. ప‌వ‌ర్ స్టార్ ప‌వ‌న్ క‌ల్యాణ్ నే రంగంలోకి దించేస్తున్న‌ట్టుగా తెలుస్తోంది.

'వారీసు' దిల్ రాజు నిర్మిస్తున్న మొట్ట‌మొద‌టి త‌మిళ సినిమా. దీంతో ఈ మూవీని చాలా ప్ర‌త్యేకంగా భావిస్తూ రిలీజ్ కోసం ప్ర‌త్యేక ఏర్పాట్లు చేస్తున్నారు. త్వ‌ర‌లో ఈ మూవీ ప్రీ రిలీజ్ ఈవెంట్ ని చెన్నైలో అత్యంత భారీ స్థాయిలో అట్ట‌హాసంగా దిల్ రాజు ప్లాన్ చేస్తున్నార‌ని తెలిసింది. ఈ భారీ ఈవెంట్ కు అక్క‌డి సూప‌ర్ స్టార్ల‌తో పాటు క్రేజీ స్టార్ల‌ని, సెల‌బ్రిటీల‌ని ఆహ్వానించ‌బోతున్న‌ట్టుగా తెలుస్తోంది. ఆ త‌రువాత హైద‌రాబాద్ లో హీరో విజ‌య్ తో పాటు ప‌లువురు టాలీవుడ్ సెల‌బ్రిటీలు పాల్గొన‌గా భారీ స్థాయిలో ప్రీ రిలీజ్ ఈవెంట్ ని నిర్వ‌హించ‌బోతున్నాడ‌ట‌.

తెలుగు వెర్ష‌న్ 'వార‌సుడు' ప్రీ రిలీజ్ ఈవెంట్ కోసం ప‌వ‌ర్ స్టార్ ప‌వ‌న్ క‌ల్యాణ్ ని ఛీఫ్ గెస్ట్ గా ఆహ్వానిస్తున్నాడ‌ని, ఇప్ప‌టికే ప‌వ‌న్ తో ఈ విష‌యమై చ‌ర్చ‌లు కూడా జ‌రుపుతున్నాడ‌ని, ఈవెంట్ కు రావ‌డానికి ప‌వ‌న్ కూడా సుముఖ‌త‌ని వ్య‌క్తం చేశాడ‌ తెలిసింది. గ‌తంలో ప‌వ‌న్ క‌ల్యాణ్ న‌టించిన 'బంగారం' మూవీ సెట్ లో త‌మిళ స్టార్ హీరో విజ‌య్ సంద‌డి చేసిన విష‌యం తెలిసిందే.

అప్ప‌టి నుంచే ప‌వ‌న్‌, విజ‌య్ మ‌ధ్య మంచి అనుబంధం ఏర్ప‌డింద‌ని, ఇద్ద‌రు మంచి స్నేహితులు కావ‌డంతో విజ‌య్ 'వార‌సుడు' ప్రీ రిలీజ్ ఈ వెంట్ లో పాల్గొన‌డానికి ప‌వ‌న్ క‌ల్యాణ్ సుముఖ‌త‌ని వ్య‌క్తం చేశార‌ని తెలుస్తోంది. 'వ‌కీల్ సాబ్‌' నుంచి దిల్ రాజు .. ప‌వ‌న్ తో మంచి అనుబంధాన్ని కొర‌న‌సాగిస్తున్నాడు. అంతే కాకుండా సంక్రాంతికి 'వార‌సుడు' రిలీజ్ కానున్న నేప‌థ్యంలో ఇక్క‌డ ప‌వ‌న్ క్రేజ్ ని ఈ విధంగా 'వార‌సుడు'కు ఉప‌యోగించుకోవాల‌నే ఆలోచ‌న‌లో దిల్ రాజు వున్న‌ట్టుగా ఇన్ సైడ్ టాక్‌.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.