యంగ్ హీరోతో కృతిశెట్టి రొమాన్స్ ఖాయ‌మే!

ఇటీవ‌లే యంగ్ హీరో శ‌ర్వానంద్ 'ఒకే ఒక్క జీవితం'తో మ‌రో డీసెంట్ హిట్ ని ఖాతాలో వేసుకున్నాడు. అంత‌కు ముందు న‌టించ‌ని చిత్రాలు వ‌రుస‌గా ప‌రాజ‌యంతో మార్కెట్ ప‌రంగా కొంత ఇబ్బందిని ఎదుర్కున్నాడు. కానీ ఒకే ఒక్క జీవితం ఆయ‌న జీవితాన్నిమ‌రోసారి ట‌ర్న్ చేసిన చిత్రంగా నిలిచింది. భారీ వ‌సూళ్లు తెచ్చిన సినిమా కాదు గానీ...శ‌ర్వానంద్ కి బూస్టింగ్ లా నిలిచింది.

అవ‌కాశాల ప‌రంగా ఢోకా లేన‌ప్ప‌టికీ వ‌రుస ప‌రాజ‌యాలు ఎదురైతే? స‌న్నివేశం ఎలా ఉంటుందో తెలిసిన న‌టుడు కాబ‌ట్టి శ‌ర్వా కంటెంట్ జాగ్ర‌త్త గా గ‌ట్టెక్కాడు. అందుకే త‌దుప‌రి చిత్ర ద‌ర్శ‌కుడ్ని ఆచితూచి ఎంచుకున్న‌ట్లు తెలుస్తోంది.

యంగ్ మేక‌ర్ శ్రీరామ్ ఆదిత్య ఓసినిమా చేయ‌డానికి ఇటీవ‌ల అగ్రిమెంట్ చేసుకున్న సంగ‌తి తెలిసిందే. ఇత‌ను పెద్ద స‌క్స‌స్ ల్లో లేడుకానీ...స్ర్కిప్ట్ ప‌రంగా యూనిక్ గా వెళ్తాడు అన్న ధీమా తో శ‌ర్వా మూవ్ అవుతున్న‌ట్లు తెలుస్తోంది.

శ్రీరామ్ గ‌త సినిమా 'హీరో' డిజాస్ట‌ర్. దీంతో కొంత గ్యాప్ త‌ప్ప‌లేదు. చివ‌రికి శ‌ర్వాని లాక్ చేసాడు. ఇక ఈసినిమాలో హీరోయిన్ గా యువ నాయిక కృతి శెట్టిని తీసుకున్న‌ట్లు స‌మాచారం. ప‌లువురు భామ‌ల్ని ప‌రిశీలించిన‌ప్ప‌టీక శ‌ర్వాకి .జోడీగా కృతి అయితేనే బాగుంటుంద‌ని ఆమెని ఎంపిక చేసిన‌ట్లు తెలుస్తోంది. ద‌ర్శ‌కుడి రాసుకున్న పాత్ర‌కి కృతి ప‌ర్పెక్ట్ గా సూటువుతుందిట‌.

అలాగే న‌టిగా కృతి ఇంత వ‌ర‌కూ ఫెయిలైంది లేదు. తొలి సినిమా 'ఉప్పెన‌'తోనే కుర్రాళ్ల మ‌నసు దొచేసింది. అటుపై న‌టించిన సినిమాలు ప్లాప్ అయినా త‌న పాత్ర మాత్రం హిట్ . యాక్టింగ్ లో ఈజ్ ఉంది. చ‌లాకీత‌నం క‌నిపిస్తుంది. ఆక‌ర్షించ‌గ‌ల నేర్ప‌రి .

ఇలా ఇన్నిల‌క్ష‌ణాలుండ‌టంతో అమ్మ‌డు టాలీవుడ్ లో అవ‌కాశాలు అందుకుంటోంది. ఇంకా మ‌రికొన్ని సినిమాలున్నాయి. మీడియం రేంజ్ హీరోలకు ప‌ర్పెక్ట్ ఛాయిస్ గా క‌నిస్తుంది. నిర్మాత‌ల‌కు అందుబాటులోనూ ఉంటుంది. దీపం ఉండ‌గానే ఇల్లు చ‌క్క‌బెట్టేయాలి అన్న నానుడికి అమ్మ‌డు కాస్త దూరంగానే ఉన్న‌ట్లు తెలుస్తుంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.