మహేష్ ఆ సెంటిమెంట్ ని బ్రేక్ చేయనున్నాడా?

టాలీవుడ్ లో కొన్ని సెంటిమెంట్స్ అప్పుడప్పుడూ ఫాన్స్ ని టెన్షన్ పెడుతుంటాయి. ఒక్కో హీరోకి ఒక్కో సెంటిమెంట్ ఉంటుంది. నిజానికి కొన్ని సందర్భాల్లో అవి కూడా నిజమే అనే పరిస్థితి. అయితే ప్రస్తుతం సూపర్ స్టార్ మహేష్ బాబు నటిస్తున్న 'సరిలేరు నీకెవ్వరు' చుట్టూ ఇలాంటి ఓ సెంటిమెంట్ తిరుగుతుంది. అదే మిలటరీ బ్యాక్ డ్రాప్. సినిమాలో మహేష్ మేజర్ అజయ్ కృష్ణ గా కనిపోయించనున్నాడు. మహేష్ కి ఈ బ్యాక్ డ్రాప్ సినిమా ఎంచుకోవడం ఇదే మొదటి సారి.

నిజానికి సుమంత్ నటించిన 'యువకుడు' నుండి లేటెస్ట్ గా అల్లు అర్జున్ నటించిన 'నా పేరు సూర్య' వరకూ ఈ బ్యాక్ డ్రాప్ లో వచ్చిన సినిమాలన్నీ ఆల్మోస్ట్ అనుకున్న రీచ్ కి వెళ్లలేక చతికిల పడ్డాయి. అందుకే ఇప్పుడు మహేష్ సినిమాపై ఫ్యాన్స్ లో టెన్షన్ మొదలైంది. నిన్న మహేష్ బాబు పుట్టిన రోజు సందర్భంగా ఫస్ట్ లుక్ పోస్టర్, టీజర్ వదిలారు. టైటిల్ లోగోతోనే సినిమా కథాంశం చెప్పేసింది మేకర్స్ మేజర్ అజయ్ కృష్ణ క్యారెక్టర్ ని బాగా ఎలివేట్ చేస్తున్నారు.

అయితే ఈసారి మహేష్ ఇండస్ట్రీలో ఉన్న సెంటిమెంట్ ని బ్రేక్ చేసేలా ఉన్నాడు. సరిలేరు నీకెవ్వరులో ఆర్మీ బ్యాక్ డ్రాప్ ఉన్నప్పటికి అది కొద్దీ సేపు మాత్రమే ఉంటుందట. మిగతా దంతా ఎంటర్టైన్ మెంటే అంటున్నారు. చాలా ఏళ్ల తర్వాత విజయ శాంతి ఇందులో స్పెషల్ క్యారెక్టర్ చేస్తుంది. సినిమాలో ఓ సందర్భంలో వచ్చే బండ్ల గణేష్ కామెడీ కూడా అదిరిపోతుందట. ఈ సినిమాలో హీరోయిజంతో కూడిన యాక్షన్ ఎపిసోడ్స్ ఉన్నప్పటికీ అనిల్ రావిపూడి మార్క్ కామెడీ హైలైట్ గా నిలుస్తుందని టాక్. మహేష్ ఈ సినిమా ఒప్పుకోవడానికి కూడా అదే రీజన్ అని తెలుస్తుంది. పైగా సినిమా సంక్రాంతి బరిలో వస్తుంది. బాగుంది అనే టాక్ వస్తే మహేష్ మరో బ్లాక్ బస్టర్ కొట్టినట్టే