మహేష్ నెక్స్ట్ సినిమా డైరెక్టర్ ఆయనే..నా?

సూపర్ స్టార్ మహేష్ బాబు ప్రస్తుతం 'సర్కారు వారి పాట' సినిమా షూటింగులో బిజీగా ఉన్నాడనే సంగతి తెలిసిందే. ఈ సినిమా వచ్చే ఏడాది అంటే 2022 సంక్రాంతి కానుకగా విడుదల కాబోతుంది. మరి సర్కారు వారి సినిమా పూర్తి చేసిన తర్వాత ముగిసిన మహేష్ బాబు.. దిగ్గజ దర్శకుడు ఎస్ఎస్ రాజమౌలితో సినిమా చేయనున్నాడు. ప్రస్తుతం రాజమౌళి ఆర్‌ఆర్‌ఆర్ షూటింగ్ పనుల్లో బిజీగా ఉన్నాడు. ఆ సినిమా అక్టోబర్ నెలలో రిలీజ్ కానుంది. అయితే రాజమౌళి సినిమా అంటే హీరోలు మాక్సిమం డేట్స్ ఇచ్చేయాల్సి ఉంటుంది. రాజమౌళితో సినిమా ప్రారంభించే ముందు మహేష్ ఓ సినిమా చేయాలనీ ఫిక్స్ అయ్యాడట. మరి ఆ సినిమా ఎవరితో చేస్తాడు అనేది ఇప్పుడు ఇండస్ట్రీలో జరుగుతున్న చర్చ.

అయితే మహేష్ బాబు రాజమౌళి సినిమాకు డేట్స్ కేటాయించే ముందు మరో సినిమా ఖచ్చితంగా చేసే ఆలోచనలో ఉన్నట్లు తెలుస్తుంది. తాజా సమాచారం ప్రకారం.. సోషల్ మీడియాలో మహేష్ బాబు తదుపరి సినిమా గురించి ఓ పలువురు దర్శకుల పేర్లు బలంగా వినిపిస్తున్నాయి. స్టార్ డైరెక్టర్ త్రివిక్రమ్ శ్రీనివాస్.. అలాగే సరిలేరుతో మంచి హిట్టు అందించిన అనిల్ రావిపూడిల పేర్లు లిస్టులో ఉన్నట్లు టాక్. వీరితో ఇటీవలే మహర్షి లాంటి నేషనల్ అవార్డు చిత్రం అందించిన పైడిపల్లి వంశీ పేరు కూడా విపరీతంగా వైరల్ అవుతోంది. మరి ఇప్పటికే మహేష్ కు వంశీ కథ వినిపించాడని.. కానీ మహేష్ దాన్ని హోల్డ్ లో పెట్టినట్లు ఇండస్ట్రీ వర్గాలు చెబుతున్నాయి. చూడాలి మరి చివరికి మహేష్ ఓటు ఎవరికీ పడుతుందో..!