వార‌సుడిని బ‌రిలో దించుతోంది

బాలీవుడ్ లో వార‌సుల వెల్లువ కొన‌సాగుతూనే ఉంది. సారా అలీఖాన్- జాన్వీ క‌పూర్- అన‌న్య పాండే- తారా సుతారియా వీళ్లంతా డెబ్యూ నాయిక‌లుగా మురిపించారు. ఇషాన్ ఖ‌త్త‌ర్- మీజాన్ జ‌ఫేరి- ప్ర‌ణూత‌న్ బాల్-ష‌ర్మిన్ సెగ‌ల్ త‌దిత‌రులు సినీఎంట్రీ ఇచ్చారు. త్వ‌ర‌లో షారూక్ వార‌సులు సుహానా ఖాన్- ఆర్య‌న్ ఖాన్ ఎంట్రీకి రంగం సిద్ధ‌మ‌వుతోంది. అలాగే సైఫ్ అలీఖాన్ - అమృత సింగ్ ల వార‌సుడు ఇబ్ర‌హిమ్ అలీఖాన్.. కిలాడీ అక్ష‌య్ కుమార్ - ట్వింకిల్ ఖ‌న్నాల వార‌సుడు ఆర‌వ్ భాటియా కూడా వెండితెర ఆరంగేట్రానికి స‌న్నాహ‌కాల్లో ఉన్నారు.

ఇంత‌మంది న‌ట‌వార‌సుల వెల్లువ న‌డుమ మ‌రో వార‌సుడు బ‌రిలో దిగుతున్నాడు. మ‌లైకా అరోరాఖాన్ - ఆర్భాజ్ ఖాన్ జంట వార‌సుడు అర్హాన్ ఖాన్ (16) ని హీరోగా ప‌రిచ‌యం చేసేందుకు రంగం సిద్ధ‌మ‌వుతోంద‌ట‌. ప్ర‌స్తుతం వెబ్ సిరీస్ ల ద్వారా వీళ్లంతా ప్రీప్రాక్టీస్ కి రెడీ అవుతున్నారు. ల‌క్కీ హ్యాండ్ క‌ర‌ణ్ జోహార్ వీళ్లంద‌రినీ గంప‌గుత్త‌గా వెండితెర‌కు ప‌రిచ‌యం చేసే వీలుంద‌ని చెబుతున్నారు. క‌ర‌ణ్ - కిర‌న్ ఖేర్ క‌లిసి ప్ర‌స్తుతం ఓ వెబ్ షోని కూడా ప్లాన్ చేస్తున్నారు. దీని ద్వారా న‌ట‌వార‌సులంతా న‌టులుగా తెరంగేట్రం చేసే వీలుంద‌ట‌. చిన్న‌ప్ప‌టి నుంచి సినీవాతావ‌ర‌ణంలోనే పెరిగిన అర్హ‌న్ ఖాన్ సినీ ఆరంగేట్రానికి రెడీ అవుతున్నాడ‌ని మ‌లైకా స్వ‌యంగా జూమ్ టీవీ ఇంట‌ర్వ్యూలో వెల్ల‌డించారు. అర్హ‌న్ కి క‌ర‌ణ్ జోహార్ అవ‌కాశం ఇస్తారా లేదా? అన్నది ఇంకా తెలీదు. అట్నుంచి క‌న్ఫ‌ర్మేష‌న్ రావాల్సి ఉంద‌ట‌. ఒక‌వేళ వెబ్ సిరీస్ ల‌తో బ‌రిలో దిగితే అటుపై నేరుగా హీరోలుగానూ ఆరంగేట్రం చేసే వీలుంటుంది.

మ‌లైకా దాదాపు 19 ఏళ్ల అనుబంధం త‌ర్వాత ఆర్భాజ్ ఖాన్ (స‌ల్మాన్ సోద‌రుడు) నుంచి విడిపోయిన సంగ‌తి తెలిసిందే. ఆ క్ర‌మంలోనే న‌ట‌వార‌సుడిని బాలీవుడ్ లో పెద్ద స్టార్ గా త‌యారు చేసేందుకు ప్రిపేర‌వ్వడం ఆస‌క్తిక‌రం. అయితే అత‌డికి బోనీ క‌పూర్ లాంటి స్టార్ ప్రొడ్యూస‌ర్ అండ‌దండ‌లు ఉంటాయా? అన్న‌ది చూడాలి. మ‌లైక‌తో కొడుకు అర్జున్ క‌పూర్ స్నేహం- అనుబంధం త‌న‌కు ఇష్టం లేదు. అటు స్టార్ హీరో స‌ల్మాన్ ఖాన్ సైతం అర్జున్ క‌పూర్ వ్య‌వ‌హారంపై సీరియ‌స్ గా ఉన్నార‌న్న ప్ర‌చారం ఉంది. మ‌లైకా వార‌సుడికి అర్జున్ క‌పూర్ స‌పోర్ట్ ఉంటే స‌రిపోతుందా? క‌పూర్ ఫ్యామిలీలో అంద‌రి స‌పోర్ట్ ఇంపార్టెంట్. అర్హ‌న్ బాలీవుడ్ కెరీర్ ఎలా ఉండ‌నుంది? అన్న‌ది చూడాలి.