'లవ్ స్టొరీ' రిలీజ్ డేట్ పట్ల నాని అప్సెట్ అయ్యాడా..?

నేచుర‌ల్ స్టార్ నాని - దర్శకుడు శివ నిర్వాణ కాంబినేషన్ లో తెరకెక్కుతున్న లేటెస్ట్ ఫ్యామిలీ అండ్ యాక్షన్ ఎంట‌ర్‌టైన‌ర్ ''టక్ జగదీష్''. ఈ చిత్రాన్ని షైన్ స్క్రీన్స్ బ్యాన‌ర్‌ పై సాహు గార‌పాటి - హ‌రీష్ పెద్ది సంయుక్తంగా నిర్మిస్తున్నారు. సమ్మర్ కానుకగా ఏప్రిల్ 16న ఈ చిత్రాన్ని విడుదల చేస్తున్నట్లు మేకర్స్ ఇది వరకే ప్రకటించారు.

అయితే ఇప్పుడు అదే డేట్ కి యువ సామ్రాట్ అక్కినేని నాగచైతన్య నటించిన 'లవ్ స్టొరీ' చిత్రాన్ని విడుదల చేస్తున్నట్లు అనౌన్స్ చేశారు. దీంతో సోలో గా రావాలని చూసిన నాని షాక్ కి గురయ్యాడని సినీ వర్గాల్లో గుసగుసలు వినిపిస్తున్నాయి. అయితే దీని వెనుక తనతో ఇంతకముందు సినిమాలు తీసిన ప్రొడ్యూసర్ కమ్ డిస్ట్రిబ్యూటర్ కారణమని తెలిసి నాని ఫీల్ అవుతున్నాడట.

మరోవైపు నాగ చైతన్య సైతం ఇలాంటి పరిస్థితుల్లోనే ఉన్నాడని అంటున్నారు. తన కెరీర్ లో 'మజిలీ' వంటి సూపర్ హిట్ అందించిన డైరక్టర్ శివనిర్వాణ మరియు ప్రొడ్యూసర్స్ రూపొందించిన సినిమాకి పోటీగా 'లవ్ స్టొరీ' రావడం ఏంటని చైతన్య ఆలోచిస్తున్నాడట. ఇదిలావుండగా నాని 'టక్ జగదీశ్' మూవీ ఆ డేట్ లో రాదని నిర్థారణకు వచ్చిన తర్వాతే 'లవ్ స్టోరీ' నిర్మాతలు తమ మూవీ రిలీజ్ డేట్ ను అధికారికంగా ప్రకటించారని మరో వర్గం వారు అంటున్నారు. ఇద్దరు నిర్మాతలు ముందే ఓ మాట అనుకుని 'టక్ జగదీశ్' ని ప్రీ పోన్ చేస్తున్నారని టాక్ నడుస్తోంది. మరి త్వరలోనే దీనిపై క్లారిటీ వస్తుందేమో చూడాలి.