ఫోటో స్టొరీ: పూనమ్.. రీ ఎంట్రీ కోసమేనా?

తెలుగు ప్రేక్షకుల్లో పూనమ్ కౌర్ పేరు తెలియనివారు ఎవరుంటారు చెప్పండి? తెలుగులో పదికి పైగా సినిమాల్లో నటించిన ఈ భామకు 'శౌర్యం'.. 'వినాయకుడు'.. 'ఆడు మగాడ్రా బుజ్జి' లాంటి ప్రేక్షాదరణ పొందిన సినిమాలు కూడా ఉన్నాయి. అయితే ఈ పంజాబీ కుడీ సినిమాల ద్వారా సాధించిన గుర్తింపు కంటే వివాదాల కారణంగా తెచ్చుకున్న పాపులారిటీనే ఎక్కువ. అదేంటో అందరికీ తెలుసు కాబట్టి మరోసారి వాటిని చర్చించుకోవాల్సిన పనే లేదు.

అయితే ఈ భామ సినిమాల నుంచి దాదాపుగా ఫేడ్ అవుట్ అయిపోయింది. అప్పట్లో వరసగా ఆఫర్లు వచ్చేవి కానీ ఇప్పుడు మాత్రం చేతిలో ఒక్ ఆఫర్ కూడా లేదు. పైగా వివాదాలు కూడా ఏమీ లేకపోవడంతో అసలు లైమ్ లైట్ లో లేదు. అందుకేనేమో ఈ అవుట్ డేటెడ్ కాంట్రవర్షియల్ భామ ఇప్పుడు కొత్తగా క్రేజ్ ఉండే హీరోయిన్ తరహాలో బిల్డప్ ఇవ్వడం మొదలు పెట్టింది. మళ్ళీ లైమ్ లైట్ లోకి రావడానికి ప్రయత్నాలు అన్నట్టుగా హాటు ఫోటో షూట్లలో పాల్గొంటోంది. రెడ్ కలర్ టీ షర్టు.. బ్లాక్ బాటమ్ ధరించి సముద్రం నేపథ్యంలో ఫోటోలు తీసుకుంది. గాలికి అందంగా ఎగురుతున్న జుత్తుతో.. నవ్వుతూ పోజులిచ్చింది.

ఈ ఫోటోలలో పూనమ్ వాలకం చూస్తుంటే మరోసారి హీరోయిన్ గా బిజీ అవ్వాలనే ఉద్దేశంతో గ్లామరసం ఒలికిస్తోందేమో అనిపిస్తోంది. ఆల్రెడీ లైమ్ లైట్ లో ఉండే హీరోయిన్లకే టాలీవుడ్ లోఅవకాశాలు దొరకడం కష్టంగా ఉంది.. మరి పూనమ్ కు ఈ సమయంలో ఎవరైనా అవకాశాలు ఇస్తారా.. మరోసారి హీరోయిన్ గా తెలుగు తెరపై సత్తా చాటగలుగుతుందా అనే ప్రశ్నలకు మాత్రం కాలమే సమాధానం చెప్పాలి.