ఇంత‌కీ 'పుష్ప 2' మొద‌లైన‌ట్టా .. కాన‌ట్టా..?

అల్లు అర్జున్ న‌టిస్తున్న 'పుష్ప 2' ఇండియ‌న్ సినీ ప్రేక్ష‌కులు అత్యంత ఆస‌క్తిగా ఎదురుచూస్తున్నక్రేజీ ప్రాజెక్ట్ ల‌లో ఒక‌టి. ఈ భారీ పాన్ ఇండియా మూవీ ఎప్పుడెప్పుడు ప‌ట్టాలెక్కుతుందా? అని బ‌న్నీ అభిమానుల‌తో పాటు 'పుష్ప‌' ల‌వ‌ర్స్ అత్యంత ఆస‌క్తిగా ఎదురుచూస్తున్నారు. తొలి పార్ట్ 'పుష్ప ది రైజ్‌' వ‌ర‌ల్డ్ వైడ్ గా సంచ‌ల‌నం సృష్టించ‌డ‌మే కాకుండా పాన్ ఇండియా మూవీగా రికార్డుల్ని సొంతం చేసుకుంది. దీంతో పార్ట్ 2 పై భారీ అంచ‌నాలు నెల‌కొన్నాయి.

'పుష్ప ది రైజ్‌'తో దేశ వ్యాప్తంగా అల్లు అర్జున్ ఏ స్థాయి సంచ‌ల‌నాలు సృష్టించాడో అంద‌రికి తెలిసిందే. తొలి సారి త‌న పంథాకు పూర్తి భిన్నంగా పుష్ప‌రాజ్ పాత్ర‌లో ఊర‌మాసీవ్ క్యారెక్ట‌ర్ లో మాసిన బ‌ట్ట‌ల్లో క‌నిపించిన తీరు, బ‌న్నీ బాడీ లాంగ్వేజ్‌ ప్రేక్ష‌కుల్ని విశేషంగా ఆక‌ట్టుకుంది. దీంతో ఈ మూవీ పాన్ ఇండియా లెవల్లో బ్లాక్ బ‌స్ట‌ర్ హిట్ గా నిలిచి బ‌న్నీని పాన్ ఇండియా స్టార్ గా నిల‌బెట్టింది. దీంతో ఫ‌స్ట్ పార్ట్ సాధించిన విజ‌యాన్ని దృష్టిలో పెట్టుకున్న ద‌ర్శ‌కుడు సుకుమార్, మైత్రీ మూవీ మేక‌ర్స్ వారు పార్ట్ ని మ‌రిన్ని ప్ర‌త్యేక‌త‌ల‌తో అంత‌కు మించి అనే స్థాయిలో తెర‌పైకి తీసుకురావాల‌ని ప్లాన్ చేస్తున్నారు.

ఇప్ప‌టికే బ‌న్నీపై టెస్ట్ లుక్ ని పూర్తి చేసిన మేక‌ర్స్ ఈ మూవీ రెగ్యుల‌ర్ షూటింగ్ ని గురువారం రామోజీ ఫిల్మ్ సిటీలో మొద‌లు పెట్టారంటూ వార్త‌లు వినిపించాయి. బ‌న్నీ లేకుండానే రామోజీ ఫిల్మ్ సిటీలో ప్ర‌త్యేకంగా ఏర్పాటు చేసిన సెట్ ల‌లో ప‌లు కీల‌క ఘ‌ట్టాల‌ని ద‌ర్శ‌కుడు సుకుమార్ తెర‌కెక్కిస్తున్నారంటూ వార్త‌లు మొద‌ల‌య్యాయి. అయితే దీనిపై మైత్రీ మూవీ మేక‌ర్స్ నుంచి కానీ, హీరో బ‌న్నీ, డైరెక్ట‌ర్ సుకుమార్ నుంచి కానీ ఎలాంటి అఫీషియ‌ల్ అనౌన్స్‌ మెంట్ లేదు.

దీంతో అ మూవీ రెగ్యుల‌ర్ షూటింగ్ ప్రారంభంపై భిన్న క‌థ‌నాలు వినిపిస్తున్నాయి. రెగ్యుల‌ర్ షూటింగ్ మొద‌లైతే మేక‌ర్స్ ఎందుకు అఫీషియ‌ల్ గా అనౌన్స్ చేయ‌డం లేదు.. కార‌ణ‌మేంటీ? .. ఇంత‌కీ 'పుష్ప 2' మొద‌లైన‌ట్టా .. కాన‌ట్టా..?.. ఎందుకీ దాగుడు మూత‌లు అనే కామెంట్ లు స‌ర్వ‌త్రా వినిపిస్తున్నాయి.

దీనిపై మైత్రీ వారు క్లారిటీ ఇస్తే ఫ్యాన్స్ లో ఆందోళ‌న త‌గ్గే అవ‌కాశం వుంది. ఎంతో ఆస‌క్తిగా ఎదురుచూస్తున్న ప్రాజెక్ట్ రెగ్యుల‌ర్ షూటింగ్ మొద‌లైంద‌ని గురువారం నుంచి వార్త‌లు వినిపిస్తున్న నేప‌థ్యంలో మైత్రీ వారైనా దీనిపై క్లారిటీ ఇస్తారే వేచి చూడాల్సిందే.

ఇదిలా వుంటే హీరో అల్లు అర్జున్ ఫ్యామిలీతో క‌లిసి త‌న ఫ్రెండ్ వివాహంలో హాజ‌రు కావ‌డానికి ద‌క్షిణాఫ్రికా వెళ్లాడు. తిరిగి హైద‌రాబాద్ చేరుకున్నాక 'పుష్ప 2' సెట్స్ లోకి అడుగుపెట్ట‌నున్నాడ‌ట‌. ఆ త‌రువాత టీమ్ థాయ్ లాండ్ లో 15 రోజ‌లు పాటు కీల‌క షెడ్యూల్ ని ప్లాన్ చేసింద‌ని, ఈ షెడ్యూల్ లోనే బ‌న్నీపై పులి ఫైట్ ని చిత్రీక‌రించాల‌నే ప్లాన్ లో వుంద‌ని గ‌త కొన్ని రోజులుగా వార్త‌లు వినిపిస్తున్న విష‌యం తెలిసిందే.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.