రాజ‌మౌళి - మ‌హేష్ ప్రాజెక్ట్ లో ఆ హీరోనా?

'బాహుబ‌లి' సిరీస్ చిత్రాల‌తో పాటు 'RRR' తో రాజ‌మౌళి ప్ర‌పంచ వ్యాప్తంగా తిరుగులేని క్రేజ్ ని సొంతం చేసుకున్నారు. రీసెంట్ గా మెగా ప‌వ‌ర్ స్టార్ రామ్ చ‌ర‌ణ్, యంగ్ టైగ‌ర్ ఎన్టీఆర్ ల తొలి క‌ల‌యిక‌లో రాజ‌మౌళి అత్యంత ప్ర‌తిష్టాత్మ‌కంగా తెర‌కెక్కించిన భారీ పాన్ ఇండియా మ‌ల్టీస్టార‌ర్ మూవీ 'RRR' తో హాలీవుడ్ మేక‌ర్స్ తో పాటు స్టార్స్ ని, విదేశీ ప్రేక్ష‌కుల్ని ఆక‌ట్టుకుని వారి ప్ర‌శంస‌ల్ని సొంతం చేసుకున్నారు రాజ‌మౌళి. దీంతో ఈ మూవీ త‌రువాత రాజ‌మౌళి చేయ‌బోతున్న భారీ ప్రాజెక్ట్ పై వ‌ర‌ల్డ్ వైడ్ గా అంద‌రి దృష్టి ప‌డింది.

'RRR' త‌రువాత రాజ‌మౌళి స్టార్ హీరో సూప‌ర్ స్టార్ మ‌హేష్ బాబుతో ఓ భారీ యాక్ష‌న్ అడ్వెంచ‌ర్ మూవీని తెర‌కెక్కించ‌బోతున్న విష‌యం తెలిసిందే. శ్రీ దుర్గా ఆర్ట్స్ అధినేత కె. ఎల్‌. నారాయ‌ణ ఈ భారీ ప్రాజెక్ట్ ని అత్యంత భారీ స్థాయిలో వంద‌ల కోట్ల బ‌డ్జెట్ తో నిర్మించ‌బోతున్నారు. ఇదిలా వుంటే ఈ ప్రాజెక్ట్ లో బాలీవుడ్ హీరో ర‌ణ్ బీర్ క‌పూర్ న‌టించ‌బోతున్నాడ‌ని వార్త‌లు వినిపిస్తున్నాయి. ర‌న్ బీర్ క‌పూర్ ప్ర‌స్తుతం 'బ్ర‌హ్మాస్త్ర‌' మూవీలో న‌టించారు.

అయాన్ ముఖ‌ర్జీ ద‌ర్శ‌క‌త్వం వ‌హించిన ఈ మూవీని సెప్టెంబ‌ర్ 9న భారీ స్థాయిలో రిలీజ్ చేస్తున్నారు. ద‌క్షిణాది భాష‌ల్లో ఈ మూవీకి ద‌ర్శ‌కుడు రాజ‌మౌళి స‌మ‌ర్ప‌కుడిగా వ్య‌వ‌హ‌రిస్తున్నారు. గ‌తంలో ఏ సినిమా ప్ర‌మోష‌న్స్ లో ఇన్‌వాల్వ్ కానంత‌గా రాజ‌మౌళి ఈ మూవీ ప్ర‌మోష‌న్స్ లో దూకుడుగా వ్య‌వ‌హ‌రిస్తూ ప్ర‌మోష‌న్స్ ని హోరెత్తిస్తున్నారు. తెలుగు రాష్ట్రాల్లో ఈ మూవీకి భారీ స్థాయిలో ఓపెనింగ్స్ ని రాబ‌ట్టాల‌నే ఆలోచ‌న‌తో ప్ర‌తీ ప్లాట్ ఫామ్ ని వాడుకుంటూ బ్ర‌హ్మాస్త్ర ప్ర‌మోష‌న్స్ చేస్తున్నారు.

బిగ్ బాస్‌, క్యాష్ .. ఇలా ఏ వేదిక‌నీ వ‌ద‌లకుండా రాజ‌మౌళి 'బ్ర‌హ్మాస్త్ర‌' ప్ర‌మోష‌న్స్ చేయిస్తున్నారు. అంతే కాకుండా ర‌ణ్ బీర్‌, అలియాల‌ను తెలుగు ప్రేక్ష‌కుల‌కు చేరువ చేయ‌డం కోసం వారితో తెలుగులోనే అధికంగా మాట్లాడిస్తుండ‌టం ప‌లువురిని ఆశ్చ‌ర్యానికి గురిచేస్తోంది.

దీని వెన‌క రాజ‌మౌళి స్వార్థం వుంద‌ని, మ‌హేష్ తో చేయ‌బోయే భారీ ప్రాజెక్ట్ లో ర‌ణ్ బీర్ చేత కీల‌క క్యారెక్ట‌ర్ ని చేయించాల‌న్న ఆలోచ‌న‌లో భాగంగానే రాజ‌మౌళి త‌న‌కు తెలుగు నేర్పిస్తున్నాడ‌నే కామెంట్ లు వినిపిస్తున్నాయి.

'RRR' కోసం అలియాను దించేసి ఈ ప్రాజెక్ట్ కు వ‌ర‌ల్డ్ వైడ్ గా క్రేజ్ ని తీసుకొచ్చిన జ‌క్క‌న్న ఇప్పుడు మ‌హేష్ కోసం ర‌ణ్ బీర్ ని దించేయ‌బోతున్నాడ‌ని, ఈ ప్రాజెక్ట్ భారీ మ‌ల్టీస్టార‌ర్ గా తెర‌పైకి రానుంద‌ని చెబుతున్నారు. ఇది ఎంత వ‌ర‌కు నిజ‌మ‌న్న‌ది తెలియాలంటే రాజ‌మౌళి ఈ ప్రాజెక్ట్ గురించి అధికారికంగా ప్ర‌క‌టించే వ‌ర‌కు వేచి చూడాల్సిందే.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.