టిల్లు గాడితో రొమాన్స్ టర్నింగ్‌ పాయింట్ అయ్యేనా?

మెహబూబా మరియు గల్లీ రౌడీ సినిమాల్లో హీరోయిన్ గా మరియు ఇంకా కొన్ని సినిమాల్లో కీలక పాత్రల్లో నటించిన నేహా శర్మ తర్వలో మోస్ట్‌ క్రేజీ యూత్‌ ఫుల్‌ ఎంటర్ టైనర్‌ డీజే టిల్లు సినిమాతో ప్రేక్షకుల ముందుకు వచ్చేందుకు సిద్దం అయ్యింది. ఈఅమ్మడు హీరోయిన్ గా నటించిన సినిమాలు ఇప్పటి వరకు కమర్షియల్‌ గా బ్రేక్‌ ఇవ్వలేదు. దాంతో డీజే టిల్లు పై చాలా నమ్మకం పెట్టుకుని వెయిట్‌ చేస్తున్నట్లుగా ఉంది. డీజే టిల్లు సినిమా లో హీరో సిద్దుతో ఈ అమ్మడి రొమాన్స్ యూత్‌ ఆడియన్స్ కు కనెక్ట్ అయ్యేలా ఉంటుందని మేకర్స్ బలంగా చెబుతున్నారు. తప్పకుండా ఈ సినిమా యూత్‌ ఆడియన్స్ కోరుకున్న ఎంటర్‌ టైన్‌మెంట్‌ ను అందిస్తుందనే నమ్మకం ను మేకర్స్ వ్యక్తం చేస్తున్నారు.

సితార ఎంటర్‌ టైన్‌మెంట్స్ బ్యానర్‌ లో రూపొందిన సినిమా అవ్వడం వల్ల డీజే టిల్లు సినిమా పై ఇండస్ట్రీ వర్గాల తో పాటు మీడియా మరియు ప్రేక్షకులు కూడా ఆసక్తిగా ఉన్నారు. భీమ్లా నాయక్‌ వంటి భారీ సినిమాను నిర్మిస్తున్న సితార ఎంటర్‌ టైన్మెంట్స్ బ్యానర్ లో నాగ వంశీ మంచి కథలతో సినిమాలను చేస్తున్నాడు. కాన్సెప్ట్‌ బేస్డ్‌ సినిమాగా రూపొందిన ఈ సినిమా మరో అర్జున్‌ రెడ్డి అంటూ నెట్టింట ప్రచారం జరుగుతోంది. రొమాంటిక్ హీరోగా పేరు దక్కించుకున్న సిద్దు మరోసారి ఈ సినిమాతో యూత్‌ కు కనెక్ట్‌ అయ్యేలా నటించాడని అంటున్నారు.

ఇప్పటికే విడుదల అయిన ఫొటోలు మరియు వీడియోలు హీరో హీరోయిన్ మధ్య ఉండే రొమాన్స్ ను చెప్పకనే చెబుతున్నాయి. కనుక ఖచ్చితంగా ఈ సినిమా మంచి కమర్షియల్‌ ఎంటర్‌ టైనర్‌ గా నిలుస్తుందనే నమ్మకంను ఇండస్ట్రీ వర్గాల వారు వ్యక్తం చేస్తున్నారు. ప్రస్తుతం డీజే టిల్లు సినిమా ప్రమోషన్ కార్యక్రమాలు జరుగుతున్నాయి.

ప్రమోషన్స్‌ లో భాగంగా తాజాగా విడుదల చేసిన ఒక పోస్టర్ లో ముద్దు సన్నివేశం ఉంది. ఆ ముద్దు సన్నివేశం మాత్రమే కాకుండా హీరో హీరోయిన్ మధ్య ఉండే రొమాంటిక్ సన్నివేశాలు మరియు కెమిస్ట్రీ లవ్‌ సన్నివేశాలు ఇలా ప్రతి ఒక్కటి కూడా డీజే టిల్లును ప్రేక్షకులకు ముఖ్యంగా యూత్‌ ఆడియన్స్ కు చేరువ అయ్యేలా చేస్తుంది. కనుక టిల్లు గాడి వల్ల ముద్దుగుమ్మ నేహా శర్మకు టర్నింగ్‌ పాయింట్‌ దక్కే అవకాశం ఉందని నెటిజన్స్‌ అభిప్రాయం వ్యక్తం చేస్తున్నారు.