యంగ్ హీరోయిన్ ప్రెగ్నెన్సీ.. అందుకే దాచిందా..?

'అఖిల్' సినిమా ద్వారా టాలీవుడ్ ఇండస్ట్రీకి హీరోయిన్ గా పరిచయం అయింది ముంబై బ్యూటీ సాయేషా సైగల్. అమ్మడు తెలుగు ప్రేక్షకులతో పాటు తమిళ ప్రేక్షకులకు కూడా సుపరిచితమే. అయితే తన మొదటి సినిమా అఖిల్ బాక్సాఫీస్ వద్ద ప్రేక్షకులను ఆకట్టుకోలేక పోవడం పెద్ద మైనస్ అని చెప్పాలి. ఆ ప్లాప్ ప్రభావం సాయేషా టాలీవుడ్ కెరియర్ పెద్ద దెబ్బే కొట్టింది. ఇక ఆ సినిమా తర్వాత సాయేషా మళ్లీ తెలుగులో ఒక్క సినిమా కూడా చేయలేకపోయింది. అంతకుమించి అమ్మడికి తెలుగు పరిశ్రమ నుండి హీరోయిన్ గా ఎలాంటి అవకాశాలు రాలేదు. కానీ తమిళంలో మాత్రం అమ్మడు వరుస సినిమాలతో బిజీగా ఉంటోంది. అయితే ప్రస్తుతం సాయేషా గురించి సోషల్ మీడియాలో ఓ వార్త తెగ వైరల్ అవుతోంది. ఆ వార్త ఏంటంటే.. సాయేషా సైగల్ తల్లి కాబోతుందని.. ప్రస్తుతం తను ప్రెగ్నెన్సీతో ఉందని అంటున్నారు. అందువల్లనే ప్రస్తుతం పలు సినిమా షూటింగులకు దూరంగా ఉంటుందని కొన్ని వార్తలు బలంగా వినిపిస్తున్నాయి.

కానీ తన ప్రెగ్నెన్సీ విషయంలో సాయేషా గాని.. తన భర్త హీరో ఆర్య గాని ఇప్పటివరకు స్పందించ లేదు. ఇద్దరు స్పందించక పోవడంతో అసలు సాయేషా ప్రెగ్నెన్సీ విషయంలో వస్తున్న వార్తలు నిజమేనా కాదా అనే అనుమానాలు వ్యక్తం అవుతున్నాయి. ఆమె ప్రెగ్నెన్సీ విషయంలో ఇంకా క్లారిటీ రావాల్సి ఉంది. ఇదిలా ఉండగా ఇటీవలే సాయేషా సూర్య సరసన బందోబస్త్ సినిమాలో మెరిసింది. ఇక గత ఏడాది మార్చి నెలలో హీరో ఆర్యని సాయేషా ప్రేమించి.. ఇంట్లో వాళ్లను ఒప్పించి మరీ పెళ్లి చేసుకుంది. ఇక ప్రస్తుతం ఈ అమ్మడు టెడ్డీ అనే తమిళ సినిమాలో హీరోయిన్ గా నటిస్తోంది. అయితే ఈ సినిమాలో భర్త ఆర్యనే హీరో కావడం విశేషం. అలాగే ఇటీవలే అమ్మడు యువరత్న అనే కన్నడ సినిమాకి గ్రీన్ సిగ్నల్ ఇచ్చిందని తెలుస్తుంది. అంటే ఈ ఏడాది సాయేషా కన్నడ ఇండస్ట్రీలో కూడా అడుగుపెట్టనుంది.