పుష్ప మళ్లీ 'రేసుగుర్రం' ఎక్కబోతున్నాడా?

అల్లు అర్జున్‌ గత రెండు సంవత్సరాలుగా పూర్తిగా పుష్ప సినిమాకే సమయం కేటాయించాడు. ఇప్పటికే మొదటి పుష్ప ప్రేక్షకుల ముందుకు రాగా.. రెండవ పుష్ప కోసం ప్రేక్షకులు వెయిట్‌ చేస్తున్నారు. ఈ మధ్య షూటింగ్ కార్యక్రమాలు మొదలు అయ్యాయి. వచ్చే ఏడాది చివరకు లేదా 2024 లో పుష్ప 2 ప్రేక్షకుల ముందుకు వచ్చే అవకాశాలు ఉన్నాయి.

పుష్ప 2 సినిమా భారీ విజయాన్ని సొంతం చేసుకుంటుందనే నమ్మకం ఇప్పటి నుండే అభిమానుల్లో వ్యక్తం అవుతోంది. బన్నీ పుష్ప 2 తర్వాత చేయబోతున్న సినిమా ఏమై ఉంటుందా అంటూ అంతా ఆసక్తిగా ఎదురు చూస్తున్నారు. ఆ మధ్య కొద్ది మంది పేర్లు ప్రధానంగా ప్రచారం జరిగాయి. కానీ వారెవ్వరు కాకుండా ఇప్పుడు మరో కొత్త పేరు ప్రచారం జరుగుతోంది.

ఇండస్ట్రీ వర్గాల ద్వారా అందుతున్న సమాచారం ప్రకారం అల్లు అర్జున్‌ హీరోగా గతంలో వచ్చిన రేసు గుర్రం ఎంతటి విజయాన్ని సొంతం చేసుకుందో తెల్సిందే. ఆ కాంబో మళ్లీ రిపీట్‌ అవ్వబోతుందట. విశ్వసనీయంగా అందుతున్న సమాచారం ప్రకారం సురేందర్‌ రెడ్డి ఇప్పటికే బన్నీకి కథ చెప్పడం.. ఓకే చెప్పించడం కూడా అయ్యిందట.

సూరి ప్రస్తుతం అఖిల్‌ తో ఏజెంట్‌ చేస్తున్నాడు. వచ్చే ఏడాది ఫిబ్రవరిలో ఏజెంట్‌ విడుదల అవ్వబోతుంది. మొదట అనుకున్నదాని ప్రకారం ఏజెంట్‌ తర్వాత పవన్ కళ్యాణ్ తో రామ్‌ తాళ్లూరి నిర్మాణంలో సూరి సినిమా చేయాల్సి ఉంది. కానీ పవన్ వరుస కమిట్‌మెంట్స్ కారణంగా ఆ సినిమా ఆలస్యం అయ్యేలా ఉంది.

ఏజెంట్‌ సినిమా తర్వాత బన్నీ తో సురేందర్ రెడ్డి సినిమా దాదాపుగా కన్ఫర్మ్‌ అయినట్లే అనే ప్రచారం జరుగుతోంది. రేసుగుర్రం వంటి మంచి కమర్షియల్‌ సబ్జెక్ట్‌ ను ఇప్పటికే రెడీ చేశారని.. వచ్చే ఏడాది లో షూటింగ్‌ ప్రారంభించి 2024 లో విడుదల చేసేలా ప్లాన్‌ చేస్తున్నట్లుగా సమాచారం అందుతోంది. మొత్తానికి పుష్ప 2 తర్వాత బన్నీ మళ్లీ రేసుగుర్రం ఎక్కడం ఖాయం అనిపిస్తుంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.