దిల్ రాజు అందుకే రియాక్ట్‌ అవుతున్నారా?

టాలీవుడ్ లో వున్న టాప్ ప్రొడ్యూస‌ర్ ల‌లో దిల్ రాజు ముందు వ‌రుస‌లో వుంటార‌న్న‌ది తెలిసిందే. ఈ మ‌ధ్య కాలంలో దిల్ రాజు పేరు ప్ర‌ముఖంగా వార్త‌ల్లో వినిపిస్తూ ఆరోప‌ణ‌లు ఎదుర్కొంటూ వ‌స్తోంది. గిల్డ్ షూటింగ్ ల బంద్ విష‌యంలోనూ దిల్ రాజు పేరే వినిపించింది. గిల్డ్ లో క్రియాశీల‌కంగా వ్య‌వ‌హ‌రిస్తూ కీల‌క నిర్ణ‌యాల ప‌రంగా ప్ర‌ధాన పాత్ర పోషిస్తూ వ‌స్తున్నారు. అంతే కాకేండా త‌ను విజ‌య్ తో నిర్మిస్తున్న `వారసుడు` షూటింగ్ మాత్రం ఆప‌లేద‌ని, మిగ‌తా వాళ్లు షూటింగ్ లు ఆపించార‌ని కామెంట్ లు చేశారు.

ఈ విష‌యంలోనూ దిల్ రాజు కార్న‌ల్ అయ్యాడు. ఆ త‌రువాత ఇది త‌మిళ సినిమా అని వివ‌ర‌ణ ఇచ్చాడు. అయినా చాలా మంది నిర్మాత‌ల్లో దిల్ రాజు కొంత వ‌ర‌కు బ్లేమ్ అయిన విష‌యం తెలిసిందే. ఇదిలా వుంటే నిఖిల్ హీరోగా న‌టించిన `కార్తికేయ 2` రిలీజ్ వాయిదా విష‌యంలోనూ దిల్ రాజు పేరు వార్త‌ల్లో నిలిచింది. ఆయ‌న కార‌ణంగానే ఈ మూవీని రెండు ద‌ఫాలుగా వాయిదా వేసుకోవాల్సి వ‌చ్చింద‌ని ఇండైరెక్ట్ గా నిఖిల్ వెల్ల‌డించ‌డంతో ఆయ‌న పేరే ప్ర‌ధానంగా వైర‌ల్ అయింది.

అయితే ఈ వార్త‌ల‌పై `కార్తికేయ 2` స‌క్సెస్ మీట్ లో ఘాటుగా స్పందించారు. ఓ విధంగా చెప్పాలంటే ఎమోష‌న‌ల్ అయ్యారు. సినిమా అంటే త‌న‌కు జీవితం అని, సినిమా రిలీజ్ ల విష‌యంలో తాను ఎవ‌రినీ ఇబ్బంది పెట్ట‌లేద‌ని, అయితే మీడియానే దీనిపై రార్ధాంతం చేసింద‌ని మండిప‌డ్డారు. ఇంత కాలం త‌న‌పై ఎలాంటి వార్త‌లు వ‌చ్చినా పెద్ద‌గా ప‌ట్టించుకోని దిల్ రాజు `కార్తికేయ 2` విష‌యంలో ఎమోష‌న్ కు గురికావ‌డం ప‌ల‌వురిని ఆశ్చ‌ర్యానికి గురిచేసింది.

రీసెంట్ గా మ‌రో సంఘ‌ట‌న‌పై కూడా దిల్ రాజు ఇదే త‌ర‌హాలో రియాక్ట్ కావ‌డం ఇప్పుడు ఆస‌క్తిక‌రంగా మారింది. మెగా ప‌వ‌ర్ స్టార్ రామ్ చ‌ర‌ణ్ - శంక‌ర్ ల క‌ల‌యికలో దిల్ రాజు ఓ భారీ మూవీని నిర్మిస్తున్నా విష‌యం తెలిసిందే. ఈ మూవీకి ప్రొడ‌క్ష‌న్ డిజైప‌న గా రామ‌కృష్ణ‌, మౌనిక‌ల‌ని తీసుకున్నారు. అయితే వీరికి ద‌ర్శ‌కుడు శంక‌ర్ కు మ‌ధ్య ఏర్ప‌డిన అభిప్రాయ బేధాల కార‌ణంగా వారు ఈ మూవీ నుంచి త‌ప్పుకున్నారు. అయితే వీరు దిల్ రాజు కార‌ణంగానే ఈ ప్రాజెక్ట్ నుంచి త‌ప్పుకున్నార‌ని ప్ర‌చారం జ‌రిగింది.

రీసెంట్ గా ఆర్ట్ డైరెక్ట‌ర్ గా ఈ ప్రాజెక్ట్ లోకి వ‌చ్చిన ర‌వీంద‌ర్ రెడ్డి కూడా త‌ప్పుకున్నాడు. యూనివ‌ర్సిటీ సెట్ వేస్తున్న క్ర‌మంలో శంక‌ర్ కు త‌న‌కు వ‌చ్చిన అభిప్రాయ బేధాల వ‌ల్లే ర‌వీంద‌ర్ రెడ్డి RC15 నుంచి త‌ప్పుకున్నార‌ట‌. అయితే దిల్‌ రాజు వ‌ల్లే త‌ప్పుకున్నాడంటూ వార్త‌లు బ‌య‌టికి వ‌చ్చాయి. ఈ విష‌యంలో త‌న ప్ర‌మేయం లేకుండానే త‌నపై ఇలాంటి వార్త‌లు ఎలా వ‌స్తున్నాయ‌ని యూనిట్ పై ఫైర్ అయ్యార‌ట‌. ఉన్న‌ట్టుండి దిల్ రాజు ఇలా త‌న‌పై వ‌చ్చే ప్ర‌తీ నెగెటివ్ వార్త‌ల‌పై ఎందుకిలా రియాక్ట్ అవుతున్నార‌ని ఆరా తీస్తే.. త‌న పేరు ఎక్క‌డ బ్లేమ్ అవుతుందో న‌ని దిల్ రాజు జాగ్ర‌త్త ప‌డుతున్నార‌ని ఇన్ సైడ్ టాక్ వినిపిస్తోంది.