ఇకపై డాషింగ్ డైరెక్టర్ 'ఓన్లీ బాలీవుడ్' అనబోతున్నాడా..??

టాలీవుడ్ ఇండస్ట్రీలో డాషింగ్ డైరెక్టర్ అంటే పూరీ జగన్నాథ్ అని ప్రత్యేకంగా చెప్పాల్సిన అవసరం లేదు. ఎందుకంటే ఆయన సినిమాలు.. అందులో కంటెంట్ చూస్తేనే అర్థమైపోతుంది. ప్రస్తుతం పూరీ జగన్నాథ్ - టాలీవుడ్ సెన్సేషన్ విజయ్ దేవరకొండ ప్రధానపాత్రలో 'లైగర్' అనే మూవీ తెరకెక్కిస్తున్నాడు. స్పోర్ట్స్ నేపథ్యంలో రూపొందుతున్న ఈ సినిమాలో విజయ్ దేవరకొండ బాక్సర్ గా కనిపించనున్నాడు. ఫస్ట్ టైం కాంబినేషన్ లోనే విజయ్ తో పాన్ ఇండియా మూవీ రూపొందిస్తున్నాడు పూరీ. ప్రస్తుతం షూటింగ్ దశలో ఉన్నటువంటి లైగర్ సినిమాకు ప్రతిసారి కరోనా మహమ్మారి అడ్డు పడుతుంది. గతేడాది షూటింగ్ కంప్లీట్ చేసుకొని విడుదల కావాల్సిన సినిమాను ఈ ఏడాదికి వాయిదా పడేలా చేసింది.

ప్రస్తుతం సెకండ్ వేవ్ కారణంగా షూటింగ్ నిలిచిపోయింది. అయితే డైరెక్టర్ పూరీ లైగర్ షూటింగ్ వీలైనంత త్వరగా పూర్తి చేయాలనే ఆలోచనలో ఉన్నాడు. కానీ మహమ్మారి కారణంగా షూటింగ్ నిలిపేసి ముంబై నుండి హైదరాబాద్ కు షిఫ్ట్ అయింది బృందం. స్పోర్ట్స్ డ్రామా అందులోనూ పాన్ ఇండియా మూవీ కావడంతో పూరీ జగన్నాథ్ లైగర్ విషయంలో చాలా జాగ్రత్తలు తీసుకుంటున్నాడు. ఇదిలా ఉండగా ఆల్రెడీ డైరెక్టర్ పూరీ టైం వృధా చేయకుండా లైగర్ పోస్ట్ ప్రొడక్షన్ పనులు ప్రారంభించినట్లు టాక్. ఈ సినిమాను పూరీతో పాటు కరణ్ జోహార్ నిర్మిస్తున్నాడు.

అయితే తాజాగా పూరీ జగన్నాథ్ తదుపరి సినిమా గురించి సోషల్ మీడియాలో పలు కథనాలు హల్చల్ చేస్తున్నాయి. పూరీ జగన్నాథ్ తదుపరి సినిమా కూడా పాన్ ఇండియా మూవీనే అని. అలాగే ఆ సినిమా కూడా కన్నడ స్టార్ యష్ తో లేదా పవర్ స్టార్ పవన్ కళ్యాణ్ తో అంటూ కథనాలు వైరల్ అవుతున్నాయి. కానీ తాజా సమాచారం ప్రకారం.. ప్రస్తుతం పూరీ ఈ ఇద్దరు హీరోలతో సినిమా చేసే పరిస్థితి కనిపించడం లేదు. ఎందుకంటే ఇకపై పూరీ బాలీవుడ్ ఇండస్ట్రీ పై కన్నేసాడని టాక్. అందుకే తదుపరి సినిమా కూడా బాలీవుడ్ హీరోతోనే.. అదికూడా పాన్ ఇండియా రేంజిలోనే ఉండబోతుందని వార్తలు వినిపిస్తున్నాయి. అదిగాక ఆ సినిమాను కూడా లైగర్ మూవీ ప్రొడక్షన్స్ లోనే ప్లాన్ చేసినట్లు వినికిడి. చూడాలి మరి డాషింగ్ డైరెక్టర్ ప్లాన్ ఏంటో..!