'BB3'లో అఘోరా పాత్ర లేనట్టేనా..?

'సింహా' 'లెజెండ్' వంటి సూపర్ హిట్స్ తర్వాత నందమూరి బాలకృష్ణ - బాల‌కృష్ణ బోయపాటి శ్రీ‌ను కాంబినేష‌న్‌లో ఓ యాక్షన్ ఎంటర్టైనర్ రూపొందుతున్న సంగ‌తి తెలిసిందే. టైటిల్ ఇంకా ఖ‌రారు కాని ఈ చిత్రాన్ని మే 28న విడుద‌ల చేయనున్నట్లు మేకర్స్ ఇది వరకే ప్ర‌క‌టించారు. బాలయ్య ద్విపాత్రాభినయం చేస్తున్న ఈ సినిమాలో ఆయన్ను అఘోరా పాత్రలో చూపించడానికి బోయపాటి ప్లాన్ చేసుకున్నారు. దీనికి బాలకృష్ణ కూడా సుముఖత వ్యక్తం చేయడంతో ఇప్పటికే అఘోరా ఎపిసోడ్ కి సంబంధించిన‌ షూటింగ్ పూర్తి చేసారని తెలుస్తోంది. అయితే ఇప్పుడు ఆ పోర్షన్ ని పక్కన పెట్టి కొత్త సన్నివేశాలు రాసుకొని చిత్రీకరణ చేస్తున్నారని టాక్ నడుస్తోంది.

'బీబీ3' టీజర్ లో బాలయ్య లుక్ ని ఫ్యాన్స్ ఫిదా అయ్యారు. అలానే అఘోరా పాత్రలో ఓ రేంజ్ లో ఉంటాడని ఎక్సపెక్ట్ చేశారు. దీనికి తగ్గట్టే బోయపాటి ఆరు నిమిషాల పాటు ఉండే ఈ ఎపిసోడ్ కోసం భారీగా ఖ‌ర్చు చేయించి షూట్ చేసారట. అయితే అఘోరా గెట‌ప్‌ తో సంతృప్తి చెందకపోవడంతో ఆ ఎపిసోడ్స్ ని వేరే విధంగా రీ షూట్ చేస్తున్నారట. మరి బాలయ్యను కొత్త అవతారంలో చూపించాలని అనుకున్న బోయపాటి.. అఘోరా ఎపిసోడ్ ని పూర్తిగా పక్కనపెట్టేస్తారా లేదా ఆయన అనుమతితో తెరపై ఏదొక సందర్భంలో చూపిస్తారా అనేది చూడాలి. కాగా, ద్వారకా క్రియేషన్స్‌ బ్యానర్‌ పై మిర్యాల రవీందర్ రెడ్డి ఈ చిత్రాన్ని నిర్మిస్తున్నాడు. శ్రీకాంత్ - పూర్ణ కీలక పాత్రలు పోషిస్తున్న ఈ సినిమాలో సయేషా సైగల్ - ప్రగ్యా జైస్వాల్ హీరోయిన్లుగా నటిస్తున్నారు. ఈ చిత్రానికి థమన్ సంగీతం సమకూరుస్తున్నాడు.