బిగ్‌ బాస్‌ తో లాభం కంటే నష్టమే ఎక్కువ

హిందీ బిగ్‌ బాస్‌ షో వల్ల ఇండస్ట్రీ కి ఎంతో మంది పరిచయం అయ్యారు. ఎంతో మంది స్టార్‌ డం దక్కించుకుని మంచి స్థితిలో ఉన్నారు. కాని సౌత్‌ లో మరీ ముఖ్యంగా తెలుగు బిగ్‌ బాస్‌ వల్ల లాభ పడ్డ వారు ఎవరు కనిపించడం లేదు. లాభం ఏమో కాని కొందరి కెరీర్‌ లు అటు ఇటు కాకుండా అయ్యాయి. చాలా మంది కంటెస్టెంట్స్‌ షో లో ప్రవర్తించిన తీరు కారణంగా వచ్చే ఒకటి రెండు ఆఫర్లు కూడా పోగొట్టుకున్నారు. నందిని రాయ్‌ కూడా ప్రస్తుతం అదే పరిస్థితిని ఎదుర్కొంటుంది.

మిస్‌ ఆంధ్రా టైటిల్‌ ను నెగ్గి అందరి దృష్టిని ఆకర్షించిన ఈ అమ్మడు టాలీవుడ్‌ లోకి ఎంట్రీ ఇచ్చింది. కాని అమ్మడి అదృష్టం కలిసి రాకపోవడంతో సక్సెస్‌ లు పడలేదు. అలాంటి సమయంలో బిగ్‌ బాస్‌ తెలుగు సీజన్‌ 2లో పార్టిసిపేట్‌ చేసే అవకాశం వచ్చింది. వచ్చిన అవకాశంను సద్వినియోగం చేసుకునేందుకు చాలా కష్టపడింది. కాని ఆమె ఎంత ప్రయత్నాలు చేసినా కూడా షో ముగిసిన తర్వాత ఆమెను ఎవరు పట్టించుకోలేదు.

బిగ్‌ బాస్‌ తో మంచి పాపులారిటీ వచ్చింది కనుక లైఫ్‌ స్టైల్‌ కాస్త రిచ్‌ గా మెయింటెన్‌ చేయాల్సి వచ్చింది. అలాగే ఫొటో షూట్స్‌ అంటూ చాలా వరకు ఖర్చు చేయాల్సి వచ్చింది. అలా బిగ్‌ బాస్‌ తో వచ్చిన పాపులారిటీ కారణంగా చేతిలో ఉన్న డబ్బును కూడా పోగొట్టుకోవాల్సి వచ్చింది. ఈ అమ్మడు ప్రస్తుతం సినిమాల్లో లేదంటే బుల్లి తెరపై ఎలాగైనా నటించేందుకు సిద్దంగా ఉందట. కాని అవకాశాలు మాత్రం వచ్చే పరిస్థితి కనిపించడం లేదు.