'గాలిసంపత్' కోసం ఈ డైరెక్టర్ అంత కేర్ తీసుకుంటున్నాడా??

టాలీవుడ్ స్టార్ డైరెక్టర్ అనిల్ రావిపూడి ప్రస్తుతం వరుస హిట్లతో దూసుకెళ్తున్నాడు. అయితే గతేడాది సరిలేరు నీకెవ్వరూ సినిమాతో బ్లాక్ బస్టర్ అందుకున్న అనిల్.. ప్రస్తుతం వెంకటేష్, వరుణ్ తేజ్ హీరోలుగా ఎఫ్3 సినిమా రూపొందిస్తున్నాడు. అయితే డైరెక్టర్ అవ్వకముందు అనిల్ చాలా సినిమాలకు డైలాగ్ రైటర్ గా పనిచేసాడు. అలాగే పలు సినిమాలకు కథలను కూడా రాసాడట అనిల్. అయితే తాజాగా తనలోని డైరెక్టర్ తో పాటు రైటర్ ని కూడా బయటికి తీసాడు. అందుకే తను డైరెక్షన్ చేయని సినిమాకు స్క్రీన్ ప్లే, డైలాగ్స్ అందిస్తున్నాడు. తాజాగా రైటింగ్ తో దర్శకత్వ పర్యవేక్షణ బాధ్యతలు కూడా తీసుకున్నట్లు తెలుస్తుంది. అయితే అనిల్ ప్రస్తుతం 'గాలిసంపత్' అనే సినిమాకు స్క్రీన్ ప్లే, మాటలు అందించాడట. యువహీరో శ్రీవిష్ణు కథానాయకుడుగా నటిస్తున్న ఈ సినిమాలో సీనియర్ యాక్టర్ రాజేంద్రప్రసాద్ ముఖ్యపాత్రను పోషిస్తున్నాడు.

అయితే తాజాగా ఈ సినిమాకు సంబంధించిన ఒక వార్త సోషల్ మీడియాలో వైరల్ అవుతోంది. ఆ విషయాన్నీ కూడా స్వయంగా అనిల్ సోషల్ మీడియా వేదికగా పోస్ట్ చేయడం విశేషం. ప్రస్తుతం గాలిసంపత్ సినిమా పట్ల అనిల్ చాలా కేర్ తీసుకుంటున్నాడట. ఈ సినిమాకు డైరెక్షన్ చేయకపోయినా మేజర్ ఎంటర్టైనింగ్ సన్నివేశాలు రాయడమే గాక ప్రెసెంటర్ గా కూడా వ్యవహారిస్తున్నాడు. ఇక ఇటీవలే గాలిసంపత్ సినిమాకు దర్శకత్వ పర్యవేక్షణ చేయడం ఆనందంగా ఉందంటూ సోషల్ మీడియాలో అనిల్ వీడియో పోస్ట్ చేసాడు. అలాగే 'ఈ సినిమాకు స్క్రీన్ ప్లే రాయడానికి మొదట్లో ప్లాన్ చేసాను. ఇప్పుడు ఈ బాధ్యతతో సినిమాకు మరింత సపోర్ట్ చేస్తున్నాను. టీమ్ వర్క్ కే నేను ఎక్కువగా ప్రాధాన్యత ఇస్తాను' అంటూ చెప్పుకొచ్చాడు. అంతేగాక వీడియోలో అనిల్.. దర్శకుడు అనీష్ కృష్ణతో షాట్ గురించి మాట్లాడుతున్న సీన్ మనం చూడవచ్చు. మొత్తానికి అనిల్ అదనపు బాధ్యతలు బాగానే ఎంజాయ్ చేస్తున్నాడట.