బార్బీనే ప్రాణం పోసుకుని ఇలా న‌డిచొస్తుందా?

బార్బీ బొమ్మా? అమ్మో బొమ్మా?.. న‌గ‌రంలో జ‌నాల సందేహ‌మిది. చూస్తుంటే అచ్చు గుద్దిన‌ట్టు బార్బీనే త‌ల‌పిస్తోంది.. ఎవ‌రీ భామ‌! అంటూ యూత్ ఒక‌టే ఫిదా అయిపోతున్నారు అన‌న్య పాండేని ఇలా చూశాక‌. ప‌బ్లిక్ లో ఫోటోల‌కు ఫోజులిస్తున్న ఈ భామను చూడ‌గానే అస‌లు బార్బీనే ప్రాణం పోసుకుని ఇలా న‌డిచొస్తుందా? అన్నంత‌గా షాక్ తిన్నారు.

ఫోటోగ్రాఫ‌ర్లు అన‌న్య‌ను పిలుస్తూ స్నాప్ లు లాగేస్తుంటే అలా హాయ్ చెబుతూ నించున్న ఫోజు కూడా బార్బీ నే త‌ల‌పించింది. ఏ భంగిమ‌లో చూసినా అచ్చం బొమ్మ‌నే త‌ల‌పిస్తోంది. అంత‌గా అద్భుత వేష‌ధార‌ణ‌తో క‌నిపించింది అన‌న్య‌. ఓవైపు ఫోటోగ్రాఫ‌ర్లు కూడా ఆ లుక్ కి ఫిదా అయిపోయి త‌న‌ని బార్బీ అంటూ ఆట‌పట్టిస్తుండ‌డం క‌నిపిస్తోంది.

బ్లూ అండ్ వైట్ కాంబినేష‌న్ మిడ్డీ డ్రెస్ టాప్ తో అన‌న్య అద‌ర‌గొట్టింది. ఇక ఇదే రేంజులో క‌వ్విస్తూ రౌడీ బోయ్స్ కంటికి కునుకుప‌ట్ట‌నివ్వ‌కుండా చేస్తున్న ఈ బ్యూటీ లైగ‌ర్ లో ఎలాంటి పాత్ర‌లో న‌టించ‌నుందో చూడాలి. స్టూడెంట్ ఆఫ్ ది ఇయ‌ర్ చిత్రంతో ఈ ర‌బ్బ‌రు బొమ్మ‌ను క‌ర‌ణ్ జోహార్ బాలీవుడ్ కి ప‌రిచ‌యం చేసిన సంగ‌తి తెలిసిందే. వ‌రుస సినిమాల‌తో కెరీర్ ప‌రంగా ఫుల్ బిజీగా ఉంది. లైగ‌ర్ తో సౌత్ లోనూ ఈ అందాల‌ బార్బీ అడుగుపెడుతోంది.