ర‌వితేజ సినిమాలో రేణు దేశాయ్ క్యారెక్ట‌ర్ ఇదేనా?

మాస్ మ‌హారాజా ర‌వితేజ బ్యాక్ టు బ్యాక్ సినిమాల్లో న‌టిస్తూ ఫుల్ జోష్ తో దూసుకుపోతున్నాడు. మాసీవ్ ఎంట‌ర్ టైన‌ర్ 'క్రాక్‌'తో ట్రాక్ లోకి వ‌చ్చేసిన ర‌వితేజ అదే జోష్ తో ఈ ఏడాది వ‌రుస‌గా మూడు క్రేజీ ప్రాజెక్ట్ ల‌ని ప‌ట్టాలెక్కించాడు. ఇందులో ఇప్ప‌టికే రెండు సినిమాల షూటింగ్ దపూర్త‌యి పోస్ట్ ప్రొడ‌క్ష‌న్ కార్య‌క్ర‌మాలు జ‌రుపుకుంటున్నాయి. రావ‌ణాసుర‌, ధ‌మాకా సినిమాలు రిలీజ్ కి రెడీ అవుతున్నాయి. ఇక మూడె ప్రాజెక్ట్ 'టైగ‌ర్ నాగేశ్వ‌ర రావు చిత్రీక‌ర‌ణ ద‌శ‌లో వుంది.

స్టూవ‌ర్ట్ పురం గ‌జ‌దొంగ‌గా ముద్ర ప‌డిన టైగ‌ర్ నాగేశ్వ‌ర‌రావు జీవిత‌క‌థ ఆధారంగా ఈ మూవీని అత్యంత భారీ స్థాయిలో సాన్ ఇండియా మూవీగా ఐదు భాష‌ల్లో రిలీజ్ చేయ‌బోతున్నారు.

నుపూర్ స‌న‌న్‌, గాయ‌త్రీ భ‌ర‌ద్వాజ్ హీరోయిన్ లుగా న‌టిస్తున్న ఈ మూవీలోని ఓ కీల‌క పాత్ర‌లో ప‌వ‌ర్ స్టార్ ప‌వ‌న్ క‌ల్యాణ్ మాజీ వైఫ్‌, ఒక నాటి హీరోయిన్ రేణూ దేశాయ్ న‌టిస్తోంది. ఇటీవ‌లే త‌ను ఈ మూవీలో న‌టిస్తున్న‌ట్టుగా చిత్ర బృందం ప్ర‌క‌టించిన విష‌యం తెలిసిందే.

వంశీ ద‌ర్శ‌క‌త్వం వ‌హిస్తున్న ఈ మూవీ ప్ర‌స్తుతం షూటింగ్ ద‌శ‌లో వుంది. సినిమాలో రేణు దేశాయ్ పాత్ర పేరు హేమ‌ల‌తా ల‌వ‌ణం అని మేక‌ర్స్ ఇప్ప‌టికే ప్ర‌క‌టించారు. అయితే సినిమాలో త‌న పాత్ర‌కు సంబంధించిన ఆస‌క్తిక‌ర‌మైన వార్త ఒక‌టి తాజాగా బ‌య‌టికి వ‌చ్చింది.

సినిమాలో రేణు దేశాయ్ పాత్ర చాలా కీల‌కంగా వుంటుంద‌ని, టైగ‌ర్ నాగేశ్వ‌ర‌రావు పాత్ర‌కు స్ఫూర్తినిచ్చే విధంగా వుంటుంద‌ని తెలుస్తోంది.

22 ఏళ్ల క్రితం ప‌వ‌న్ న‌టించిన 'బ‌ద్రి' సినిమాతో టాలీవుడ్ కు ప‌రిచ‌య‌మైన రేణు దేశాయ్ ఆ త‌రువాత ప్ర‌భుదేవాతో 'జేమ్స్ పాండు', మ‌ళ్లీ తెలుగులో ప‌వ‌న్ తో 'జానీ' వంటి సినిమాల్లో న‌టించింది. ఆ త‌రువాత ప‌వ‌న్ ని వివాహం చేసుకున్న రేణు దేశాయ్ దాదాపు 20 ఏళ్ల విరామం త‌రువాత 'టైగ‌ర్ నాగేశ్వ‌ర‌రావు' మూవీతో మ‌ళ్లీ సినిమాల్లో న‌టించ‌డం మొద‌టు పెడుతోంది. దీంతో ఈ ప్రాజెక్ట్ పై ప్రేక్ష‌కుల్లో ఆస‌క్తి పెరుగుతోంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.