రాజమౌళి - మహేష్ సినిమా కథ ఇదే..?

ద‌ర్శ‌క ధీరుడు రాజ‌మౌళి-ప్రిన్స్ మ‌హేష్ బాబు కాంబోలో ఓ సినిమా క‌న్ఫామ్ అయిన విష‌యం తెలిసిందే. అయితే.. అది మొద‌ల‌య్యే లోపు మ‌రో సినిమా కంప్లీట్ చేసుకునేందుకు మ‌హేష్ సిద్ధ‌మ‌య్యాడ‌నే ప్ర‌చారం జోరుగా సాగింది. అనిల్ రావిపూడితో ఫిక్స్ అయ్యాడ‌ని కూడా అన్నారు. కానీ.. ఊహించ‌ని విధంగా మ‌ధ్య‌లోకి త్రివిక్ర‌మ్ వ‌చ్చేశాడు.

ఎన్టీఆర్ తో క‌థా చ‌ర్చ‌ల్లో ప్ర‌తిష్టంభ‌న నెల‌కొన‌డంతో ఆ సినిమా ఆగిపోయింద‌ని కూడా అంటున్నారు. దీంతో.. ఎప్ప‌టి నుంచో అనుకుంటున్న మ‌హేష్‌-త్రివిక్ర‌మ్ మూవీకి స‌రిగ్గా టైమ్ దొరికింద‌ని, దాంతో.. వీళ్లిద్ద‌రూ క‌లిసి ప‌నిచేయ‌బోతున్నార‌ని గ‌ట్టిగా ప్ర‌చారంలోకి వ‌చ్చేసింది. ఉగాదికి అనౌన్స్‌మెంట్ కూడా రాబోతోంద‌ని అంటున్నారు.

అయితే.. రాజ‌మౌళి మ‌హేష్ ను ఎలా చూపించ‌బోతున్నాడు? అనే క్యూరియాసిటీ అభిమానులతోపాటు సాధార‌ణ ప్రేక్ష‌కుల్లోనూ అప్పుడే మొద‌లైంది. కౌబాయ్ గానా? రెగ్యులర్ హీరోగానా? ఎలాంటి క్యారెక్ట‌ర్లో ప్రిన్స్ క‌నిపించ‌బోతున్నాడు? క‌థేంటీ? అనే ఆస‌క్తి నెల‌కొంది. అయితే.. అందుతున్న స‌మాచారం ప్ర‌కారం.. జ‌క్క‌న్న మ‌రోసారి పీరియాడిక‌ల్ డ్రామానే ఎంచుకుంటున్నాడ‌ని అంటున్నారు.

ఛ‌త్ర‌ప‌తి శివాజీ చ‌రిత్ర‌తో సినిమా తెర‌కెక్కించ‌బోతున్నాడ‌ని ప్ర‌చారం సాగుతోంది. ఈ సినిమాలో మ‌హేష్ శివాజీగా క‌నిపించ‌బోతున్నార‌ని అంటున్నారు. ఇందులో వాస్త‌వం ఎంత అనేది తెలియ‌దుగానీ.. ప్ర‌చారం మాత్రం జోరుగా సాగుతూనే ఉంది. ప్ర‌స్తుతం ‘స‌ర్కారు వారిపాట’ షూట్ శ‌ర‌వేగంగా సాగుతోంది. సాధ్యమైనంత తర్వగా దీన్ని కంప్లీట్ చేసి, త్రివిక్రమ్ తో జాయిన్ అయ్యేందుకు చూస్తున్నాడు మహేష్.