గోపీచంద్ - శ్రీ‌వాస్ క్రేజీ మూవీ టైటిల్ ఇదేనా?

మ్యాచో మ్యాన్ హీరో గోపీచంద్ గ‌త కొంత కాలంగా వ‌రుస ఫ్లాపుల్ని ఎదుర్కొంటూ వ‌స్తున్నారు. 'లౌక్యం' మూవీ ఫ‌ర‌వాలేద‌నిపించినా ఆ త‌రువాత చేసిన ఏ మూవీ కూడా గోపీచంద్ కు ఆశించిన ఫ‌లితాన్ని అందించ‌లేక‌పోయాయి. రీసెంట్ గా మారుతితో క‌లిసి చేసి 'ప‌క్కా క‌మ‌ర్షియ‌ల్' కూడా గోపీచంద్ ని ఫ్లాపుల నుంచి బ‌య‌ట‌ప‌డేయ‌లేక‌పోయింది. మ‌ధ్య‌లో సంప‌త్ నంది 'సీటీమార్‌' ఫ‌ర‌వాలేద‌ని అనిపించినా ఆ క్రేజ్ కాస్తా 'ప‌క్కా క‌మ‌ర్షియ‌ల్' ఫ్లాప్ తో పోయింది.

ఈ నేప‌థ్యంలో ఈ సారి ఎలాగైనా సూప‌ర్ హిట్ మూవీని అందించి మ‌ళ్లీ ట్రాక్ లోకి రావాల‌నే ఆలోచ‌న‌తో గోపీచంద్ మ‌రోసారి శ్రీ‌వాస్ నే న‌మ్ముకున్నాడు. త‌న‌కు కూడా నెక్స్ట్ లెవెల్ సినిమా కావాలి కాబ‌ట్టి ఇద్ద‌రూ క‌లిసి ముచ్చ‌టగా మూడ‌వ సారి క‌లిసి ఓ భారీ మూవీ చేస్తున్నారు. వీరిద్ద‌రి క‌ల‌యిక‌లో రూపొందిన 'ల‌క్ష్యం' సూప‌ర్ హిట్ అనిపించుకోగా ఆ త‌రువాత వ‌చ్చిన 'లౌక్యం' ఫ‌ర‌వాలేద‌నిపించింది. వ‌రుస ఫ్లాపుల్లో వున్న‌ హీరో గోపీచంద్ కు ఊర‌ట క‌లిగించింది.

'ప‌క్కా క‌మ‌ర్షియ‌ల్' ఫ్లాప్ తో రేసులో వెన‌క‌బ‌డిన హీరో గోపీచంద్ మ‌రోసారి స‌క్సెస్ కోసం శ్రీ‌వాస్ నే న‌మ్ముకున్నాడు. ఈ ఇద్ద‌రి క‌లయిక‌లో పీపుల్ మీడియా ఫ్యాక్టరీ బ్యాన‌ర్ పై ఓ భారీ మూవీ తెర‌కెక్కుతోంది. టి.జి. విశ్వ‌ప్ర‌సాద్ అత్యంత భారీ స్థాయిలో నిర్మిస్తున్న ఈ మూవీలోని కీల‌క పాత్ర‌ల్లో జ‌గ‌ప‌తిబాబు, ఖుష్బూ న‌టిస్తున్నారు. హీరోయిన్ గా డింపుల్ హ‌యాతీ న‌టిస్తోంది. ప్ర‌స్తుతం ఈ మూవీ చిత్రీక‌ర‌ణ ద‌శ‌లో వుంది. 'ల‌క్ష్యం' సెంటిమెంట్ ని రిపీట్ చేయాల‌నే ప‌ట్టుద‌ల‌తో ద‌ర్శ‌కుడు శ్రీ‌వాస్ ఈ మూవీని తెర‌కెక్కిస్తున్నాడు.

భారీ స్థాయిలో రూపొందుతున్న ఈ మూవీ గోపీచంద్ న‌టిస్తున్న 30వ ప్రాజెక్ట్. దీంతో ప్ర‌తీ విష‌యంలోనూ చాలా ప్ర‌త్యేకంగా వుండాల‌ని మేక‌ర్స్‌, ద‌ర్శ‌కుడు శ్రీ‌వాస్ చాలా కేర్ తీసుకుంటున్నారు. గోపీచంద్ కెరీర్ లో స్పెష‌ల్ మూవీగా వుండాల‌ని ప్లాన్ చేస్తున్నారు.

ఇంత వ‌ర‌కు టైటిల్ ఫైన‌ల్ కాని ఈ మూవీకి 'రామ బాణం' అనే టైటిల్ ని ద‌ర్శ‌కుడు శ్రీ‌వాస్ ఫైన‌ల్ చేసిన‌ట్టుగా తెలిసింది. మ‌ళ్లీ అన్నా ద‌మ్ముల సెంటిమెంట్ నేప‌థ్యంలో 'ల‌క్ష్యం'కు మించిన స్థాయిలో ఈ మూవీ వుండేలా ద‌ర్శ‌కుడు శ్రీవాస్ ప్లాన్ చేస్తున్న‌ట్టుగా టైటిల్ ని బ‌ట్టి అర్థ‌మ‌వుతోంద‌ని ఇన్ సైడ్ టాక్‌.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.