మెగా క్యాంప్ లో ఇషా ఐటెం నెంబర్

హీరోయిన్లు ఐటెం సాంగ్స్ చేయడం ఇప్పుడు కొత్తేం కాదు కానీ.. కొత్తగా ఈ ట్రెండ్ లోకి ఎవరన్నా ఎంట్రీ ఇస్తే మాత్రం.. అది హాట్ టాపిక్ అవుతోంది. రీసెంట్ గా రాయ్ లక్ష్మీని సర్దార్ లో ఐటెం భామగా మార్చాడు పవర్ స్టార్. ఇప్పుడు ఇంకో మెగా హీరో.. మరో హీరోయిన్ కి ఇలాంటి ఆఫరే ఇచ్చాడు.

సుబ్రమణ్యం ఫర్ సేల్ తో జోష్ మీదున్న మెగా సుప్రీం స్టార్ సాయి ధరం తేజ్.. ప్రస్తుతం సుప్రీంను శరవేగంగా పూర్తి చేస్తున్నాడు. హీరోయిన్ రాశి ఖన్నా.. ఈ మూవీలో పోలీస్ పాత్రలో నటిస్తోంది. ఇక తేజు అయితే టాక్సీ డ్రైవర్ గా అలరించనున్నాడు. ఈ మూవీ కోసం ఇషా చావ్లాతో ఐటెం సాంగ్ చేయించారన్నది లేటెస్ట్ న్యూస్. ప్రేమ కావాలి చిత్రంతో హీరోయిన్ గా పరిచయమై, ఆ తర్వాత సునీల్ పక్కన రెండు సినిమాలు చేసిన ఇషా కెరీర్.. ప్రస్తుతం బ్యాడ్ పొజిషన్ లోనే ఉంది. దక్షిణాది సినిమాల్లో ఒకటీ అరా మూవీస్ చేతిలో ఉన్నా.. అందులో చెప్పుకోదగ్గ ప్రాజెక్టులు లేవు. కనీసం కేరక్టర్ వరకూ అయినా శాటిస్ఫై చేసే రోల్స్ కూడా దక్కడం లేదు.

ఫ్యామిలీ అమ్మాయి లుక్స్ తో ఉండే ఇషా చావ్లాతో ఐటెం సాంగ్ చేయించాలని అనుకున్నాడు డైరెక్టర్ అనిల్ రావిపూడి. ఇప్పటికే ఈమె గ్రీన్ సిగ్నల్ ఇచ్చేసిందని, త్వరలో ఈ సాంగ్ షూటింగ్ కూడా స్టార్ట్ చేయనున్నారని తెలుస్తోంది. మెగా క్యాంప్ లో ఆఫర్ కాబట్టి.. అంతగా ఆలోచించకుండానే ఓకె చెప్పేసిందని అంటున్నారు. మరి ఈ కొత్త అవతారంలో అయినా.. అమ్మడు క్లిక్ అవ్వాలని ఆశిద్దాం.