యువరాణి గెటప్ లో మెరిసిన బాలయ్య బ్యూటీ!

'ప్రేమ కావాలి' సినిమాతో తెలుగు ఫిల్మ్ ఇండస్ట్రీకి హీరోయిన్ గా పరిచయం అయింది ఇషా చావ్లా. ఈ ఢిల్లీ భామ మొదటి సినిమాతోనే సూపర్ హిట్ అందుకొని టాక్ ఆఫ్ ది ఇండస్ట్రీగా నిలిచింది. అయితే ప్రేమకావాలి సినిమాలో అమ్మడి అందానికి అభినయానికి తెలుగులో అభిమానులు బాగానే ఏర్పడ్డారు. ఆ సినిమా పుణ్యమా అని ఇషాకి అవకాశాలు కూడా అలాగే వచ్చాయి. ఇక రెండో సినిమాగా సునీల్ సరసన 'పూలరంగడు' సినిమా చేసి మరో సూపర్ హిట్ అందుకుంది. హీరోయిన్ గా అమ్మడికి ఇండస్ట్రీలో తిరుగులేదని అనుకున్నారు. కానీ ఎంత త్వరగా మంచి పేరు తెచ్చుకుందో అంతే త్వరగా అమ్మడు ఇండస్ట్రీలో నుండి వెళ్ళిపోయింది. పూలరంగడు తర్వాత మళ్లీ సునీల్ తో మిస్టర్ పెళ్ళికొడుకు సినిమా చేసింది. అది మోస్తరు విజయం పొందినా.. అవకాశాలు ఏం రాలేదు.

ఇక అనుకోకుండా నందమూరి బాలయ్య 'శ్రీమన్నారాయణ' సినిమాలో అవకాశం ఇచ్చాడు. కానీ ఆ సినిమా బాక్సాఫీస్ వద్ద ఘోరంగా విఫలం అవ్వడంతో కెరీర్ ఒక్కసారిగా వెనక్కి తిరిగింది. మేటర్ మళ్లీ మొదటికి వచ్చింది. అవకాశాలు తగ్గిపోయాయి. చివరిగా 'రంభ ఊర్వశి మేనక' అనే సినిమాలో కనిపించింది. ప్రస్తుతం లాక్ డౌన్ కారణంగా ఇంటికే పరిమితం అయిన ఈ బ్యూటీ సోషల్ మీడియాలో ఫోటోషూట్లతో హల్చల్ చేస్తుంది. తాజాగా అమ్మడు సోఫా పై యువరాణి గెటప్ లో ఓ పోజు పోస్ట్ చేసింది. సినిమాలు మానేసిన ఈ ముద్దుగుమ్మ అందం మాత్రం కొంచెం కూడా తగ్గలేదు. ఆ పిక్ చూస్తూ ఈ భామ ఇంకా సినిమాల కోసం అందాలు దాచిపెడుతుందేమో అని ఫ్యాన్స్ అంటున్నారు. ఓ వైపు ఫోటోషూట్లు చేస్తూనే మరోవైపు తన అమాన్య ఫౌండేషన్ చూసుకుంటుంది. సినిమా అవకాశాలు వస్తే మళ్లీ ఫామ్ లోకి వస్తానంటుంది ఇషా బ్యూటీ.