నిఖిల్ మూవీలో నేనే హీరో-హీరోయిన్

బాలీవుడ్ బ్యూటీ ఇషా కొప్పికర్.. ఎక్కువగా హిందీ సినిమాలనే చేసినా.. ఈమె సినీ అరంగేట్రం మాత్రం తెలుగు సినిమాతోనే జరిగింది. నాగార్జునతో కలిసి చంద్రలేఖ మూవీలో.. లేఖగా ఆడి పాడి అలరించింది ఇషా. ఆ తర్వాత 2001లో ప్రేమతో రా చిత్రంలో ఓ పాత్రతో ఆకట్టుకుందంతే.

మళ్లీ ఇన్నేళ్ల తర్వాత తెలుగు సినిమాలో నటిస్తోంది ఇషా కొప్పికర్. నిఖిల్ మూవీ కేశవలో ఈమెకు బోలెడంత ప్రాధాన్యత ఉన్న పాత్ర దక్కింది. ఇన్వెస్టిగేటివ్ ఆఫీసర్ పాత్రను పోషిస్తోంది ఇషా. 'ఈ సినిమాలో నా పోర్షన్ లో ఎక్కువ భాగం యాక్షన్ సీన్స్ తో ఉంటుంది. బాడీ డబుల్ ఉపయోగించకుండా స్టంట్స్ నేనే చేశాను. 15 ఏళ్లుగా మార్షల్ ఆర్ట్స్ నేర్చుకుంటున్నా. నాకు తైక్వాండోలో బ్లాక్ బెల్ట్ కూడా ఉంది. అందుకే ఈ సీన్స్ నాపై పిక్చరైజ్ చేయడం దర్శకుడికి చాలా తేలికైంది' అని చెప్పింది ఇషా కొప్పికర్. 'ఈ సినిమాలో నాది హీరోయిన్ పాత్ర కాదు.. తనే సినిమాకి కీలకమైన సూపర్ కాప్ రోల్' అని చెప్పింది ఇషా కొప్పికర్.

కేశవ మూవీలో కొరియన్ మార్షల్ ఆర్ట్స్ లో హప్కిడో అనే సెల్ఫ్ డిఫెన్స్ టెక్నిక్ ను స్పెషల్ గా చూపించిందట ఇషా. అలాగే తనకు ఇది కంబ్యాక్ మూవీ అయినా.. హైద్రాబాద్ తో స్పెషల్ రిలేషన్ ఉన్నట్లుగా అనిపిస్తుందని చెప్పింది.

Like Us on Facebook : https://www.facebook.com/Tupakidotcom/