సీకే బ్యూటీతో పోటీప‌డాల‌నా తెలుగ‌మ్మాయ్?

ఇటీవ‌ల వ‌రుస ఫోటోషూట్ల‌తో హీట్ పెంచేస్తోంది తెలుగమ్మాయ్ ఈషా రెబ్బా. ఓవైపు కెరీర్ ప‌రంగా ఆశించినంత స్పీడ్ క‌నిపించ‌క‌పోవ‌డం.. తెలుగు ప‌రిశ్ర‌మ‌లో తెలుగ‌మ్మాయిల‌కు స‌రైన ప్రోత్సాహం లే‌ని స‌న్నివేశంపై ఈషా కాస్తంత కోపంగానే ఉంది. అందుకే ఇదిగో ఇలా రూట్ మార్చి స్పీడ్ చూపిస్తోంది. ముంబై టాప్ మోడ‌ల్స్ కి ఏమాత్రం తీసిపోని విధంగా హాట్ ఫోటోషూట్ల‌తో రెగ్యుల‌ర్ గా అభిమానుల‌కు ట‌చ్ లో ఉంటోంది.

తెలుగ‌మ్మాయి కావ‌డంతో ఎంత టాలెంట్ వున్నా.. గ్లామ‌ర్ ప్ర‌ద‌ర్శ‌న‌కు సిద్ధ‌మ‌నే సంకేతాల్ని ఇస్తోంది ఫిలింమేక‌ర్స్ కి. ప్రస్తుతం ఈషా రెబ్బా నెట్ ఫ్లిక్స్ సిరీస్ `పిట్ట‌క‌థ‌లు‌` ‌లో న‌టించింది. ఇందులో గ్లామ‌ర్ ఎలివేష‌న్ తో పాటు హాట్ సీన్ల‌‌లో రెచ్చిపోయి న‌టించింది. ఈ వెబ్ సిరీస్ తో ఆమె కెరీర్ కొత్త మ‌లుపు తిర‌గ‌డం ఖాయం అన్న చ‌ర్చా సాగుతోంది.

మ‌రోవైపు అఖిల్ న‌టిస్తున్న `మోస్ట్ ఎలిజిబుల్ బ్యాచిల‌ర్‌` చిత్రంలోనూ కీల‌క పాత్ర‌లో న‌టిస్తోంది. తెలుగులో ఈషా చేతిలో వున్న ఒకే ఒక్క క్రేజీ మూవీ ఇది. ఇత‌ర ఆఫ‌ర్ల గురించి ఈషా పెద‌వి విప్పాల్సి ఉంది.

ఈలోగానే ఇదిగో ఇలా సంథింగ్ స్పెష‌ల్ ట్రీట్ తో ట‌చ్ లోకి వ‌చ్చింది. కెల్విన్ క్లెయిన్ బ్యూటీ దిశా పటానీకే మ‌తి చెడే ట్రీట్ ఇది. ఈషా లోదుస్తుల ప్ర‌చారంతో దుమారం రేపుతోంది. తెలుగ‌మ్మాయ్ ఆ రేంజులో టైట్ స్పోర్ట్ టాప్ తో టాప్ లేపేయ‌డంతో ఈ ఫోటో వైర‌ల్ గా మారింది. కార్తీక్ శివగోని కెమెరా వ‌ర్క్.. ప్ర‌శాంత్ మేక‌ప్ అందించ‌గా జూబ్లీహిల్స్ రిపీట్ బ్రూవ‌రీ ప‌రిస‌రాల్లో ఈ ఫోటోషూట్ ని చేశారు. మాయా నెల్లూరి ఈ ఫోటోషూట్ కోఆర్డినేట‌ర్. ప‌ట్టు విడుపు చూపిస్తున్న తెలుగ‌మ్మాయ్ కి ఇక‌నైనా కాస్త పెద్ద హీరోల స‌ర‌స‌న అవ‌కాశాలు ద‌క్కుతాయేమో చూడాలి. త‌న స్థాయిని పెంచే ఆఫ‌ర్ల కోస‌మే ఈ త‌ప‌నంతా.