నారా వారబ్బాయితో ఐడియా బేబీ

నారా రోహిత్ తెగ స్పీడ్ గా సినిమాలు చేసేస్తున్నాడు. అంత కంటే స్పీడ్ గా కొత్త ప్రాజెక్టులు ఓకే చేస్తున్నాడు. ప్రస్తుతం ఇతగాడి ఖాతోల పదికి పైగా సినిమాలు ఉన్నాయంటే నారా వారబ్బాయి స్పీడ్ అర్ధమవుతుంది. ఇందులో ఒకటి సాయి కొర్రపాటి ప్రొడక్షన్ లో కొత్త డైరెక్టర్ ప్రదీప్ తీస్తున్నాడు. ఈ మూవీ పేరు రాజా చెయ్యి వేస్తే. ఈ సినిమా కోసం ఓ క్రేజీ భామని లీడ్ హీరోయిన్ గా తీసుకున్నారు.

రీసెంట్ ఐడియా ఇంటర్నెట్ షేరింగ్ అంటూ ఇంటర్నెట్ లో విపరీతంగా హల్ చల్ చేస్తున్న మంబై భామ ఇషా తల్వార్ ని హీరోయిన్ పాత్రకు సెలెక్ట్ చేశారని తెలుస్తోంది. టైటిల్ నుంచి కాంబినేషన్ వరకూ ఇంట్రస్ట్ క్రియేట్ చేస్తున్నాడు నారా రోహిత్. ఇంతకీ ఇషా తల్వార్ టాలీవుడ్ కి కొత్తేం కాదు. గతంలో నితిన్ తో పాటు గుండె జారి గల్లంతయ్యిందే చిత్రంలో కనిపించింది ఈ చిన్నది. ఆ తర్వాత మైనే ప్యార్ కియా అనే తెలుగు మూవీతోనూ టాలీవుడ్ లో సందడి చేసింది. రెండు సినిమాలు చేసినా అనుకున్నంతగా క్రేజ్ కానీ కొత్త ఆఫర్స్ కానీ దక్కలేదు. అయినా ఇప్పుడు మూడో ఛాన్స్ రావడం, అది కూడా మంచి స్పీడ్ మీదున్న నారా రోహిత్ సరసన ఆఫర్ దక్కడాన్ని ప్రత్యేకంగానే చెప్పుకోవాలి.

ప్రతీ సినిమాతోనూ డిఫరెంట్ స్టోరీతో వస్తున్న నారా వారబ్బాయి సినిమాలపై ప్రేక్షకుల్లోనూ మంచి అంచనాలే ఉంటున్నాయి. ఇక ఈ మూవీలో నందమూరి వారసుడు తారకరత్న విలన్ రోల్ పోషిస్తుండడం మరో ప్రత్యేకత.