ఆ కుర్రాడితో శ్రీదేవి కూతురి రొమాన్స్!!

ఏప్రిల్ లో మామ్ అంటూ శ్రీదేవి తన కొత్త సినిమాతో ప్రేక్షకుల ముందుకు వచ్చేస్తోంది. రీసెంట్ గా రిలీజ్ అయిన ఫస్ట్ లుక్ ఇప్పటికే బాలీవుడ్ లో హాట్ టాపిక్ అయిపోయింది. ఇప్పుడు తన కూతురు అరంగేట్రం విషయంలో కూడా శ్రీదేవి తుది నిర్ణయానికి వచ్చేసిందని తెలుస్తోంది.

శ్రీదేవి-బోనీకపూర్ ల పెద్ద కూతురు జాన్వి తెరంగేట్రంపై చాలా కాలంగానే అంచనాలు ఉన్నాయి. ఇప్పుడీ 19 ఏళ్ల సొగసరి.. బాలీవుడ్ రంగ ప్రవేశానికి అంతా సిద్ధమవుతోందిట. షాహిద్ కపూర్ తమ్ముడు ఇషాన్ ఖట్టర్ కి జోడీగా తన తొలి సినిమాలో నటించనుందట జాన్వి. మరాఠీ బ్లాక్ బస్టర్ మూవీ 'సైరత్' హిందీ రీమేక్ హక్కులను ధర్మ ప్రొడక్షన్స్ దగ్గర ఉన్నాయి. ఈ చిత్రంతోనే జాన్వి కపూర్ హిందీ సినిమాల్లో ఎంట్రీ ఇవ్వనుందని తెలుస్తోంది. కరణ్ జోహార్ ఈ చిత్రాన్ని రూపొందించనున్నాడని అంటున్నారు.

ప్రస్తుతం ఇషాన్ ఖట్టర్.. బాలీవుడ్ లో ఎంట్రీ ఇవ్వబోతున్నాడు. ఇరానియన్ దర్శకుడు మాజిద్ మాజిది రూపొందిస్తున్న బెయాండ్ ద క్లౌడ్స్ మూవీలో నటిస్తున్న ఇషాన్ ఖట్టర్.. ఆ తర్వాత సైరత్ రీమేక్ లో.. జాన్వి కపూర్ తో కలిసి కనిపించనున్నాడట. ఇప్పటికే వీళ్లిద్దరూ కలిసి బద్రీనాధ్ కీ దుల్హనియా స్క్రీనింగ్ తో పాటు.. కరణ్ జోహార్ ఆఫీస్ కు రెగ్యులర్ గా వెళుతూ కెమేరా కళ్లకు చిక్కారు.

Like Us on Facebook : https://www.facebook.com/Tupakidotcom/