జాన్వి కోసం బాల్కనీ నుండి దూకేశాడు

సినిమాలో స్టంట్ చేయడానికి హీరోలు ఎన్ని జాగ్రత్తలు తీసుకుంటారో షూటింగ్ చూసేవారికి బాగా తెలిసి ఉంటుంది. ఏమి కాకూడదని దర్శక నిర్మాతలు చేసే ప్రయత్నాలు అన్ని ఇన్ని కావు. కానీ రీసెంట్ గా ఒక యువ హీరో సినిమా కోసం కాకుండా నిజజీవితంలో ఒక హీరోయిన్ కోసం చేసిన ఫిట్ ఇప్పుడు సోషల్ మీడియాలో తెగ వైరల్ అవుతోంది. ఏ మాత్రం పట్టు జరీనా మళ్ళీ షూటీంగ్ కి బ్రేక్ పడేదని వార్తలు వస్తున్నాయి.

అలనాటి స్టార్ హీరోయిన్ శ్రీదేవి కూతురు జాన్వీ కపూర్ ధఢఖ్ అనే సినిమాలో నటిస్తోన్న సంగతి తెలిసిందే. ఆ సినిమాలో హీరోగా షాహిద్ కపూర్ త‌మ్ముడు ఇషాన్ ఖ‌ట్ట‌ర్ న‌టిస్తున్నాడు. అయితే వీరు సినిమా షూటింగ్ కు ముందు నుంచే క్లోజ్ ఫ్రెండ్స్ అయ్యారు. అంతే కాకుండా టీమ్ వర్క్ లాగా కష్టపడుతున్నారు. అసలు మ్యాటర్ లోకి వెళితే.. షూటింగ్ కి వెళ్లాలని జాన్వీ రీసెంట్ గా హీరో ఇషాన్ ను పికప్ చేసుకోవడానికి జిమ్ కు వెళ్లింది. అయితే కారులో వెయిట్ చేస్తుండగా ప్రజలు అందరు శ్రీదేవి కూతురని అక్కడ గుంపులు గుంపులుగా చేరారు.

బిల్డింగ్ ముందు జనంతో పాటు మీడియా కూడా చేరింది. విషయం తెలుసుకున్న ఇషాన్ చాలా తెలివిగా డేర్ చేసి యాక్షన్ హీరో లెవెల్లో బాల్కనీ నుంచి కిందకు దూకేశాడు. ఆ తరువాత జాన్వీ కి ఫోన్ చేసి కారు యూ టర్న్ చేసుకొని రమ్మని చెప్పడంతో ఆమె అతని దగ్గరికి వెళ్లి అతనిని ఎక్కించుకొని వెళ్లిపోయింది. అయితే ఇషాన్ బాల్కనీ దూకడం మీడియా కంట పడటంతో గోడ దూకేసిన హీరో అని టైటిల్స్ ఇచ్చేస్తున్నారు.