ధృవ అండ్ ప్రేమమ్.. ఆగండాగండి..

వచ్చే దసరా సీజన్ ను వాడుకునేది ఎవరు? గతేడాది దసరాకు బ్రూస్ లీ అండ్ అఖిల్ సినిమాలు దున్నేస్తాయి అనుకుంటే.. రెండూ కూడా బొక్కబోర్లా పడ్డాయి. ఇప్పుడు కూడా రామ్ చరణ్‌ మరోసారి లైన్లో ఉండగా.. మొన్ననే నాగ చైతన్య కూడా తన ఎంట్రీని ఖరారు చేశాడు. అయితే ఇప్పుడు వీళ్లిద్దరే కాదు. వేరే హీరోలు కూడా రావడానికి రంగం సిద్దం చేసుకుంటున్నారు తెలుసా!!

దసరా పండగనాడు .. ఎలాగో వారం రోజులు అందరికీ సెలవలు ఉంటాయి కాబట్టి.. ఇంకా చాలామంది రిలీజులకు రెడీ అయిపోతున్నారు. సెప్టెంబర్ ఆఖరి వారంలో 'మజ్ఞూ' అండ్ 'హైపర్' సినిమాలు రావడానికి చూస్తుంటే.. ఇప్పుడు అక్టోబర్ మొదటి వారంలో రామ్‌ చరణ్‌ 'ధృవ'తో పాటు నాగ చైతన్య 'ప్రేమమ్' ఒక్కటే కాకుండా.. మరో సినిమా కూడా జతకలుస్తోంది. ధృవ 7న - ప్రేమమ్ 9న విడుదలవుతాయని అనుకుంటే.. ఇదే డేట్లలో పూరి జగన్ తీస్తున్న 'ఇజం' కూడా లైన్లోకి వచ్చేసింది. అసలే కళ్యాణ్‌ రామ్ ఈ సినిమా కోసం సిక్స్ ప్యాక్ చేసి మరీ హిట్టు కోసం వెయిట్ చేస్తున్నాడు. ఇకపోతే మిల్కీ బ్యూటి 'అభినేత్రి' సినిమాను కూడా అప్పుడే రిలీజ్ చేయాలని చూస్తున్నారట.

ఎలాగో అంత పెద్ద హాలిడే సీజన్ కాబట్టి.. ఖచ్చితం ఒక అరడజను సినిమాలను ఎకామడేట్ చేసే సత్తా ఉంటుందిలే. కాబట్టి ఈజీగా ఈ సినిమాలన్నీ వచ్చి క్యాష్‌ చేసుకోవచ్చు. కాకపోతే ఇలాంటి హాలిడే సీజన్ లో వస్తున్నందుకు మాంచి హిట్టు కొడితే బాగుంటుంది.