ఇస్మార్ట్ శంకర్ ఒకే రొమాంటిక్ పరిస్థితేంటి ?

గత కొంత కాలంగా వరుస ఫ్లాపులు అందుకుంటున్న పూరి -చార్మీ లు ఎట్టకేలకు 'ఇస్మార్ట్ శంకర్' సినిమాతో నిర్మాతలుగా లాభాలు చవిచూశారు. ఈ సినిమాకి వచ్చిన లాభాలతో హ్యాపీగా చెరొక కారు కొనుక్కొని అన్ని సెటిల్ మెంట్స్ క్లోజ్ చేసేసారు కూడా. ఇక అంతా బాగానే ఉంది కానీ వీరిద్దరికీ ఇప్పుడు 'రొమాంటిక్' రూపంలో మరో టాస్క్ ఎదురైంది.

ఆకాశ్ పూరి హీరోగా అనిల్ డైరెక్షన్ లో తెరకెక్కుతున్న 'రొమాంటిక్' కి పూరి, చార్మీ నిర్మాతలన్న సంగతి తెలిసిందే. ఇదే ఇప్పడు వీళ్ళిద్దరికీ మళ్ళీ భయం పుట్టిస్తుంది. ఆకాష్ ను హీరోగా పరిచయం చేస్తూ పూరి -చార్మీ తీసిన 'మెహబూబా' డిజాస్టర్ గా నిలిచింది. అసలు ఆ సినిమా ఆడుతున్న సమయంలో టాక్ విని జనాలు థియేటర్స్ కి వెళ్ళలేదు. దాంతో కొన్న డిస్ట్రిబ్యూటర్స్ నిండా మునిగారు. ఆ ఎఫెక్ట్ పూరి -చార్మీ లపై చాలా నెలలు ఉంది.

అయితే ఈసారి ఆకాష్ సినిమాను 'ఇస్మార్ట్ శంకర్' ను ప్రోమోట్ చేసినట్టుగా అడల్ట్ కంటెంట్ తో బజ్ క్రియేట్ చేసి బిజినెస్ చేయాలని భావిస్తున్నారట. అందులో భాగంగానే హీరోయిన్ టాప్ లెస్ తో ఉండగా హీరో హాగ్ చేసుకునే స్టిల్ ను ఫస్ట్ లుక్ గా వదిలారట. టైటిల్ కూడా అందుకే యూత్ ని ఎట్రాక్ట్ చేసేలా పెట్టారట. సో మరి ఈ సారి పూరి అండ్ చార్మీ నిర్మాతలుగా ఈ సినిమాతో లాభాలు చూస్తారా ? మళ్ళీ డిస్ట్రిబ్యూటర్స్ ని ముంచి తము కూడా మునిగిపోతారా ? చూడాలి.