ఇది కదా సూపర్ స్టార్ ఫ్యాన్స్ కు కావాల్సింది..!

సూపర్ స్టార్ మహేష్ బాబు చాలా రోజుల తర్వాత సెట్ లో అడుగుపెట్టారు. త్రివిక్రమ్ శ్రీనివాస్ దర్శకత్వంలో #SSMB28 సినిమా రెగ్యులర్ షూటింగ్ ను సమావేశం ప్రారంభించారు. తొలి రోజు 'కేజీఎఫ్' స్టంట్ మాస్టర్స్ నేతృత్వంలో ఓ ఫైట్ సీన్ ని షూట్ చేసినట్లు తెలుస్తోంది.

ఫస్ట్ డే షూటింగ్ కు సంబంధించిన ఓ గ్లిమ్స్ ను మేకర్స్ రిలీజ్ చేశారు. ఇందులో మహేష్ ఫేస్ పూర్తిగా రివీల్ చేయనప్పటికీ.. మాస్ అండ్ రగ్గుడ్ అవతార్ లో కనిపించనున్నట్లు హింట్ ఇచ్చారు. అంతేకాదు ఇదొక హై ఆక్టేన్ యాక్షన్ ఎంటర్టైనర్ అని పేర్కొన్నారు.

'అతడు' మరియు 'ఖలేజా' వంటి సినిమాల తర్వాత మహేష్ - త్రివిక్రమ్ కాంబోలో రాబోతున్న హ్యాట్రిక్ మూవీ SSMB28.. వాటికి మూడింతలు ఉంటుందని టాక్. ఇది కచ్చితంగా సూపర్ స్టార్ అభిమానులు ఎప్పటి నుంచో ఎదురు చూస్తున్న సినిమా అవుతుందని అంటున్నారు. 2023 ఏప్రిల్ 28న ఈ క్రేజీ మూవీ రిలీజ్ అవుతుంది.

ఇకపోతే త్రివిక్రమ్ మూవీ తర్వాత దర్శకధీరుడు ఎస్ఎస్ రాజమౌళి తో కలిసి వర్క్ చేయనున్నారు మహేశ్ బాబు. చాలా కాలం క్రితమే ఈ క్రేజీ ప్రాజెక్ట్ పై క్లారిటీ వచ్చేసింది. ప్రస్తుతం ఈ సినిమాకు సంబంధించిన ప్రీ-ప్రొడక్షన్ పనులు జోరుగా సాగుతున్నాయి.

అయితే టొరెంటో ఇంటర్నేషనల్ ఫిలిం ఫెస్టివల్ లో పాల్గొన్న రాజమౌళి.. మీడియా ఇంటరాక్షన్‌ లో ఎంతో ఆసక్తిగా ఎదురుచూస్తున్న ఈ ప్రాజెక్ట్ గురించి మాట్లాడారు. మహేశ్ బాబుతో గ్లోబ్‌ ట్రాటింగ్ యాక్షన్ అడ్వెంచర్ మూవీ చేయనున్నట్లు తెలిపారు.

తాత్కాలికంగా SSMB29 అని పిలవబడే ఈ సినిమా జోనర్ గురించి రాజమౌళి ఓపెన్ అవడం ఇదే తొలిసారి. రాజమౌళి తండ్రి విజయేంద్ర ప్రసాద్ ప్రస్తుతం ఆఫ్రికన్ ఫారెస్ట్ బ్యాక్ డ్రాప్ లో స్క్రిప్ట్‌ ని రెడీ చేస్తున్నట్లు తెలుస్తోంది. బాహుబలి రచయిత ఇది వరకే దీనిపై క్లారిటీ ఇచ్చారు.

సీరియస్ మిషన్‌ లో ఒక ప్రదేశం నుండి మరొక ప్రదేశానికి ట్రావెల్ చేసే అడ్వెంచరర్ గా మహేష్ ఈ సినిమాలో కనిపించనున్నారని టాక్. హాలీవుడ్‌ సినిమాల తరహాలో యాక్షన్ సన్నివేశాలు పుష్కలంగా ఉంటాయని తెలుస్తోంది. ఇప్పుడు జక్కన్న ఈ మూవీ జోనర్ కూడా ప్రకటించడంతో మహేష్ ఫ్యాన్స్ ఫుల్ ఎగ్జైట్ అవుతున్నారు.

ఎన్నాళ్ల నుంచో ఆసక్తిగా ఎదురు చూస్తున్న జక్కన్న - మహేశ్ కాంబోలో సరైన సినిమా పడుతుందని ఫ్యాన్స్ భావిస్తున్నారు. భారీ బడ్జెట్ తో అత్యున్నత సాంకేతిక విలువలతో అంతర్జాతీయ స్థాయిలో తెరకెక్కనున్న ఈ మూవీ వచ్చే ఏడాది సెట్స్ మీదకు వెళ్తుంది.

ఏదైతేనేం మహేష్ బాబు లైనప్ లో రెండు సినిమాల జోనర్స్ ఒకే రోజు రివీల్ అయ్యాయి. SSMB28 హై ఆక్టేన్ ఎంటర్టైనర్ అయితే.. SSMB29 అనేది గ్లోబ్‌ ట్రాటింగ్ యాక్షన్ అడ్వెంచర్ మూవీ అని ప్రకటించారు. దీంతో ఇలాంటి సినిమాలు కదా మేం కోరుకుంది అని సూపర్ స్టార్ ఫ్యాన్స్ కామెంట్స్ చేస్తున్నారు.

నిజానికి మహేష్ గత కొన్నేళ్లుగా వరుస విజయాలతో దూసుకుపోతున్నారు. 'భరత్ అనే నేను' 'మహర్షి' 'సరిలేరు నీకెవ్వరు' 'సర్కారు వారి పాట' వంటి నాలుగు చిత్రాలు బాక్సాఫీస్ వద్ద సక్సెస్ అయ్యాయి. కాకపోతే బ్యాక్ టూ బ్యాక్ హిట్స్ వస్తున్నా.. అభిమానులు మాత్రం హ్యాపీగా లేరని తెలుస్తోంది. ఎందుకంటే ఇవన్నీ సూపర్ స్టార్ రేంజ్ బ్లాక్ బస్టర్స్ కాదని ఫ్యాన్స్ అభిప్రాయ పడుతున్నారు.

మహేశ్ ను పవర్ ఫుల్ రోల్ లో హై వోల్టేజ్ యాక్షన్ ఎంటర్టైనర్స్ లో చూడాలనివారు కోరుకుంటున్నారు. అంతేకాదు తమ హీరో పాన్ ఇండియా స్థాయిలో సత్తా చాటాలని ఆశిస్తున్నారు. ఇప్పుడు త్రివిక్రమ్ మరియు రాజమౌళి ప్రాజెక్ట్స్ రెండూ అభిమానులు ఆశించే సినిమాలు అవుతాయని.. బాక్సాఫీస్ ను షేక్ చేస్తాయని ధీమా వ్యక్తం చేస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.