ముగ్గురు స్టార్స్ తో ట్రైలర్ కి శ్రీకారం..!

వర్సటైల్ యాక్టర్ శర్వానంద్ హీరోగా బి.కిశోర్ రెడ్డి తెరకెక్కిస్తున్న లేటెస్ట్ ఫ్యామిలీ ఎంటర్టైనర్ ''శ్రీకారం''. ఈ చిత్రంలో శర్వానంద్ సరసన ‘గ్యాంగ్ లీడర్’ ఫేమ్ ప్రియాంక అరుళ్ మోహన్ హీరోయిన్‌ గా నటిస్తోంది. వాస్తవ సంఘటనల ఆధారంగా సందేశాత్మక అంశాలతో రూపొందుతున్న ఈ చిత్రాన్ని మహాశివరాత్రి కానుకగా మార్చి 11న ప్రేక్షకుల ముందుకు తీసుకొస్తున్నారు. ఈ నేపథ్యంలో ఇటీవలే సూపర్ స్టార్ మహేష్ బాబు విడుదల చేసిన టీజర్ మంచి స్పందన తెచ్చుకుంది. ఈ క్రమంలో క్లీన్ 'యూ' సెన్సార్ సర్టిఫికేట్ దక్కించుకున్న 'శ్రీకారం' ట్రైలర్ ని రిలీజ్ చేయడానికి మేకర్స్ సన్నాహాలు చేస్తున్నారు.

'శ్రీకారం' ట్రైలర్ కి ముగ్గురు స్టార్స్ శ్రీకారం చుట్టబోతున్నారని చిత్ర యూనిట్ పేర్కొంది. రేపు (మార్చి 5) సాయంత్రం 6 గంటలకు నేచురల్ స్టార్ నాని - యూత్ స్టార్ నితిన్ - మెగా ప్రిన్స్ వరుణ్ తేజ్ కలిసి ఈ సినిమా థియేట్రికల్ ట్రైలర్ ని విడుదల చేయనున్నట్లు వెల్లడించారు. వ్యవసాయం ప్రాధాన్యతను తెలియజెప్పే ఈ చిత్రాన్ని 14 రీల్స్ ప్లస్ బ్యానర్ పై రామ్ ఆచంట - గోపీ ఆచంట కలసి నిర్మిస్తున్నారు. ఈ చిత్రానికి మిక్కీ జె మేయర్ సంగీతం అందిస్తున్నాడు. జె యువరాజ్ సినిమాటోగ్రఫీ అందిస్తున్న ఈ చిత్రానికి.. అవినాష్ కొల్లా ఆర్ట్ డైరెక్టర్ గా వ్యవహరిస్తున్నారు. మార్తాండ్ కె వెంకటేష్ ఎడిటింగ్ వర్క్ చేస్తున్నారు. ప్రముఖ రచయిత సాయి మాధవ్ బుర్రా సంభాషణలు రాస్తున్నారు.