మారుతికి ప్ర‌భాస్‌ ఫ్యాన్స్ భ‌యం ప‌ట్టుకుందా?

పాన్ ఇండియా వైడ్‌ గా భారీ క్రేజ్ ని సొంతం చేసుకున్న ప్ర‌భాస్ ప్ర‌స్తుతం బ్యాక్ టు బ్యాక్ క్రేజీ సినిమాల‌తో అభిమానుల‌కు ట్రీట్ ఇవ్వ‌బోతున్నాడు. 'రాథేశ్యామ్‌'తో తీవ్ర నిరాశ‌కు గురైన అభిమానుల‌కు ఆది పురుష్‌, స‌లార్ ల‌తో డ‌బుల్ ట్రీట్ ఇబ్బ‌డానికి రెడీ అవుతున్నాడు. ప్ర‌భాస్ న‌టిస్తున్న తొలి మైథ‌లాజిక‌ల్ డ్రామా 'ఆది పురుష్‌' వ‌చ్చే ఏడాది జ‌న‌వ‌రి 12న భారీ స్థాయిలో ప్ర‌పంచ వ్యాప్తంగా ఐదు భాష‌ల్లో రిలీజ్ కాబోతున్న విష‌యం తెలిసిందే. 3డీ,ఐమ్యాక్స్ ఫార్మాట్ ల‌లోనూ ఈ మూవీ విడుద‌ల కాబోతోంది.

ఇక 'కేజీఎఫ్' సిరీస్ సినిమాల‌తో దేశ వ్యాప్తంగా సంచ‌ల‌నం సృష్టించిన ద‌ర్శ‌కుడు ప్ర‌శాంత్ నీల్ ద‌ర్శ‌క‌త్వంలో ప్ర‌భాస్ 'స‌లార్‌' మూవీ చేస్తున్నాడు. హోంబ‌లే ఫిలింస్ బ్యాన‌ర్ పై విజ‌య్ కిర‌గందూర్ అత్యంత ప్ర‌తిష్టాత్మ‌కంగా నిర్మిస్తున్న ఈ మూవీ ప్ర‌స్తుతం చిత్రీక‌ర‌ణ ద‌శ‌లో వుంది. హై వోల్టేజ్ యాక్ష‌న్ ఎంట‌ర్ టైన‌ర్ గా రూపొందుతున్న ఈ మూవీని వ‌చ్చే ఏడాది అంటే 2023 సెప్టెంబ‌ర్ 28న భారీ స్థాయిలో రిలీజ్ చేయ‌బోతున్నారు.

ఈ రెండు భారీ ప్రాజెక్ట్ ల‌తో పాటు ప్ర‌భాస్ 'ప్రాజెక్ట్ కె'ఓనూ న‌టిస్తున్నాడు. ప్ర‌స్తుతం ఈ మూవీ షూటింగ్ ద‌శ‌లో వుంది. మూడు సినిమాలు రిలీజ్ కి రెడీ అవుతున్న నేప‌థ్యంలో ప్ర‌భాస్ అనూహ్యంగా మారుతితో హార‌ర్ థ్రిల్ల‌ర్ మూవీకి గ్రీన్ సిగ్న‌ల్ ఇచ్చేశాడు. ఫ్యాన్స్ ఎంత‌గా వారిస్తూ వ‌ద్ద‌ని చెబుతున్నా స‌రే ఎక్క‌డా త‌గ్గేదే లే అన్న‌ట్టుగా మారుతి ప్రాజెక్ట్ కోసం ముందుకు సాగుతున్నాడు. ప్ర‌స్తుతం రెండు సినిమాల్లో న‌టిస్తూ మ‌ధ్య మ‌ధ్య‌లో మారుతి సినిమాకు డేట్స్ కేటాయిస్తూ సినిమాని పూర్తి చేయాల‌ని ప్ర‌భాస్ ప్లాన్ చేసుకున్నాడట‌.

ఆ ప్లాన్ ప్ర‌కార‌మే మారుతి ప్రాజెక్ట్ ని సైలెంట్ గా ప‌ట్టాలెక్కించేశాడు. ఇటీవ‌ల ప్ర‌త్యేకంగా ప్ర‌భాస్ పై లుక్ టెస్ట్ తో పాటు ట్ర‌య‌ల్ షూట్ ని పూర్తి చేసిన మారుతి ఇప్ప‌డు ఏకంగా షూటింగ్ నే మొద‌లు పెట్టేశాడ‌ని తెలుస్తోంది. ప్ర‌తీ సినిమా విష‌యాన్ని మీడియా ముఖంగా ఫ్యాన్స్ కు తెలియ‌జేసే ప్ర‌భాస్ ఈ సినిమా విష‌యంలో ఎందుకు సైలెంట్ ని మెయింటైన్ చేస్తూ వుండ‌టం ప‌లు అనుమానాలకు తావిస్తోంది. ప్ర‌భాస్ ఫ్యాన్స్ కార‌ణంగానే మారుతి ఈ మూవీని సైలెంట్ గా కానిచ్చేస్తున్నాడ‌నే కామెంట్ లు వినిపిస్తున్నాయి.

ఫ్లాపుల్లో వున్న మారుతితో ప్ర‌భాస్ సినిమా చేయ‌డం ఫ్యాన్స్ కు పెద్ద‌గా ఇష్టం లేదు. అయినా సరే ప్ర‌భాస్ మాత్రం ఎక్క‌డా త‌గ్గ‌కుండా ఫ్యాన్స్ మాట విన‌కుండా ఈ మూవీని సైలెంట్ గా కానిచ్చేస్తుప్పాడు. మారుతి కూడా ఈ విష‌యాన్ని సోష‌ల్ మీడియా వేదిగా కూడా వెల్ల‌డించ‌క‌పోవ‌డానికి కార‌ణం ప్ర‌భాస్‌ ఫ్యాన్స్ అని, వారి భ‌యం ప‌ట్టుకోవ‌డం వ‌ల్లే మారుతి సైలెంట్ గా సినిమాని ప‌ట్టాలెక్కించాడ‌నే కామెంట్ లు వినిపిస్తున్నాయి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.