ఇంట్రోతో అద‌ర‌గొట్ట‌బోతున్న మాస్ డైరెక్టర్..!

నందమూరి నటసింహా బాలకృష్ణ - మాస్ డైరెక్టర్ బోయపాటి శ్రీను కాంబినేషన్‌ లో ఓ యాక్షన్ ఎంటర్టైనర్ తెరకెక్కుతున్న విషయం తెలిసిందే.

ద్వారకా క్రియేషన్స్‌ బ్యానర్‌ పై మిర్యాల రవీందర్ రెడ్డి ఈ చిత్రాన్ని నిర్మిస్తున్నాడు. ఇంకా టైటిల్ ఖరారు చేయని ఈ చిత్రంలో బాలకృష్ణ ద్విపాత్రాభినయం చేస్తున్నారని సమాచారం. అందులో ఒకటి ఫ్యాక్షనిస్ట్ పాత్ర కాగా మరోటి అఘోరా పాత్ర అని తెలుస్తోంది. ఇప్పటికే విడుదల చేసిన 'బీబీ3' టీజర్ లో పంచె కట్టులో బాలయ్య అదరగొట్టాడు. ఈ చిత్రాన్ని సమ్మర్ కానుకగా మే 28న రిలీజ్ చేస్తున్నట్లు ఇటీవలే ప్రకటించారు. దీనికి తగ్గట్టుగా శరవేగంగా చిత్రీకరణ జరుపుతున్నారు. ఈ నేపథ్యంలో బాల‌కృష్ణ ఇంట్రోని బోయపాటి భారీగా ప్లాన్ చేసినట్లు తెలుస్తోంది.

బోయపాటి గత చిత్రాల మాదిరిగానే 'బీబీ3' ఇంట్రోతో అద‌ర‌గొట్ట‌బోతున్నాడట. ఈ ఇంట్రో కోస‌మే దాదాపు రెండున్న‌ర కోట్ల వరకు ఖర్చు చేస్తున‌ట్లుగా స‌మాచారం. ఇక బోయ‌పాటి త‌న సినిమాల్లో ఫాలో అయిన‌ట్లుగా ఇందులో కూడా స్క్రీన్ మొత్తం లేడీస్ ఉండబోతున్నారట. ఇందులో బాలయ్య సరసన 'అఖిల్' బ్యూటీ సయేషా సైగల్ - 'కంచె' ఫేమ్ ప్రగ్యా జైస్వాల్ నటిస్తున్నారు. పూర్ణ కీలక పాత్రలో కనిపించనుంది. థమన్ ఈ చిత్రానికి సంగీతం సమకూరుస్తున్నాడు. 'సింహా' 'లెజెండ్' వంటి సూపర్‌ హిట్‌ చిత్రాల తర్వాత బాలయ్య - బోయపాటి కాంబోలో వస్తున్న ఈ హ్యాట్రిక్ మూవీపై నందమూరి అభిమానులు భారీ ఆశలే పెట్టుకున్నారు.