అతిత్వరలో టీజర్ వదులుతా: యువహీరో

టాలీవుడ్ ఇండస్ట్రీలో వరుస సినిమాలను ప్రకటిస్తూనే ఉన్నారు హీరోలు, హీరోయిన్లు. లాక్ డౌన్ ముగిసింది కదా మేకర్స్ కూడా జోరు పెంచేసారు. అందుకే ఇదివరకు ఆగిన సినిమాలు, ప్రారంభం కానీ సినిమాలు, విడుదలకు దగ్గరపడిన సినిమాలను అనౌన్స్ చేస్తున్నారు. యంగ్ హీరో శర్వానంద్ కూడా తన సినిమాను రెడీ చేసేసాడు. ప్రస్తుతం శర్వా శ్రీకారం అనే సినిమా చేస్తున్న సంగతి తెలిసిందే. అయితే గ్రామీణ నేపథ్యంలో తెరకెక్కుతున్న ఈ సినిమాను మార్చ్ 11న విడుదల చేయనున్నట్లు ప్రకటించారు మేకర్స్. అయితే లిరికల్ సాంగ్స్, పోస్టర్స్ లాంటివి శ్రీకారం మూవీ నుండి విడుదల చేశారు కానీ టీజర్ ట్రైలర్ లాంటివి ఇంకా రాలేదు. ప్రస్తుతం సినీ ప్రేక్షకులు ట్రైలర్ కోసం ఎదురు చూస్తున్నారు.

అయితే యువహీరోల దగ్గర నుండి స్టార్ హీరోల వరకు ట్రైలర్స్, టీజర్స్ విడుదల చేస్తూనే ఉన్నారు. అయితే శర్వానంద్ కూడా టీజర్ వదిలేందుకు తాము రెడీనే అన్నట్లు తెలుస్తుంది. శ్రీకారం సినిమా పై శర్వానంద్ ఎన్నో హోప్స్ పెట్టుకున్నాడు. ఈ సినిమాతో కిషోర్ రెడ్డి దర్శకుడుగా పరిచయం అవుతున్నాడు. ఫస్ట్ టైం శర్వానంద్ వ్యవసాయం నేపథ్యంతో సినిమా చేస్తున్నాడు. చూడాలి మరి శర్వా ఈసారి ఆకట్టుకుంటాడేమో అంటూ నేటిజన్లు మాట్లాడుకుంటున్నారు. ఇదిలా ఉండగా ఇటీవల వరుస ప్లాప్ లను ఖాతాలో వేసుకున్నాడు శర్వానంద్. శతమానం భవతి సినిమా తర్వాత అలాంటి హిట్ మళ్లీ రాలేదు. మధ్యలో పలు సినిమాలు చేసాడు కానీ లాభం లేకుండా పోయింది. త్వరలోనే శ్రీకారం టీజర్ అనౌన్స్ చేస్తా అంటున్నాడు ఈ యువహీరో. అయితే ఈ సినిమాను 14రీల్స్ పతాకం పై రామ్ అచంట, గోపి అచంట నిర్మిస్తున్నారు.