తమ్ముడి కోసం హీరో ఐటెమ్ బాయ్ గా..

స్టార్ హీరో కమర్షియల్ సినిమా తీస్తున్నాడు అంటే చాలు అందులో ఒక ఐటెమ్ సాంగ్ ఉందా లేదా అనే విషయం గురించి ఆలోచించాల్సిందే. అందుకే దర్శకనిర్మాతలకు అదొక పెద్ద టాస్క్ లా మారుతుంది. సినిమాకి నెగిటివ్ టాక్ వచ్చినా కూడా ఓ విదంగా ఐటెమ్ సాంగ్స్ ఉపయోగపడతాయని బయ్యర్లు కూడా అప్పుడప్పుడు సలహాలు ఇస్తుంటారు. అందుకే ఈ మధ్య ఆ సాంగ్స్ కోసం ప్రత్యేక శ్రద్ధ తీసుకుంటున్నారు.

అవసరమైతే స్టార్ హీరోయిన్స్ కు మంచి ప్యాకేజ్ ప్రకటించి ఓ హాట్ సాంగ్ ని చిత్రీకరిస్తున్నారు. ప్రస్తుతం చాలా మంది హీరోయిన్స్ కూడా అలాంటి సాంగ్స్ లో కనిపించడానికి ఇష్టపడుతున్నారు. అసలు మ్యాటర్ లోకి వస్తే.. ఈ మధ్య హీరోయిన్స్ ఐటెమ్ భామలుగా మారడానికి ఇష్టపడుతున్నట్లు హీరోలు కూడా ఐటెమ్ బాయ్ గా కనిపించడానికి గ్రీన్ సిగ్నల్ ఇచ్చేస్తున్నారు. ఆ విధంగా మొదటి అడుగు వేస్తున్నాడు అర్జున్ కపూర్. భవేష్‌ జోషి సూపర్‌హీరో సినిమాలోని చుమ్మే మేన్‌ చవాన్‌ప్రాష్‌’ అనే ఐటెమ్ సాంగ్ లో కనిపించనున్నాడు.

తన కజిన్ హర్షవర్ధన్ కపూర్ హీరోగా నటిస్తున్న ఆ సినిమాలో దండేకర్‌ సిస్టర్స్‌’ అనుషా, షిబానీ కూడా చిందులు వేయనున్నారు. ఘాటుగా తెరకెక్కించిన ఆ సాంగ్ పోస్టర్లనీ చిత్ర యూనిట్ రీసెంట్ గా రిలీజ్ చేసింది. నటీనటులు అందరూ క్యాచీగా కనిపిస్తూ ఐటెమ్ సాంగ్ లో ఇరగదీసినట్లు అనిపిస్తోంది. ఈ నెల 25న విడుదల కానున్న ఈ సినిమాకు విక్రమ్ ఆదిత్య దర్శకత్వం వహించాడు.