'ఆస్కార్‌' కు నామినేట్‌ అయిన జాతిరత్నాలు!

ఇటీవల కాలంలో సోషల్‌ మీడియాలో జాతిరత్నాలు చేస్తున్న సందడి అంతా ఇంతా కాదు. సినిమా విడుదలకు రెండు వారాల నుండి మొదలైన సందడి సినిమా విడుదల అయ్యి వారాలు దాటుతున్నా కూడా కంటిన్యూ అవుతూనే ఉంది. జాతి రత్నాలు సినిమాకు పోటీగా వచ్చిన సినిమాలు ఆ తర్వాత వారాల్లో వచ్చిన సినిమాలు కూడా బాక్సాఫీస్ వద్ద బొక్క బోర్లా పడ్డాయి. దాంతో జాతిరత్నాలు సినిమాకు కలిసి వచ్చింది. బాక్సాఫీస్ వద్ద బిగ్గెస్ట్‌ సక్సెస్‌ ను దక్కించుకుంది. తాజాగా చిత్ర యూనిట్‌ సభ్యులు అధికారికంగా జాతిరత్నాలు సినిమాకు ఆస్కార్‌ నామినేషన్‌ దక్కిందని అధికారిక సోషల్‌ మీడియా పేజ్‌ లో షేర్‌ చేయడం జరిగింది. బెస్ట్‌ జానె జిగర్‌ మూవీ కేటగిరిలో జాతిరత్నాలు సినిమాను ఎంపిక చేశారని వారు పేర్కొన్నారు.

జాతి రత్నాలు సినిమా ఆస్కార్‌ నామినేషన్‌ పత్రంను కూడా వారు షేర్‌ చేయడంతో అంతా కూడా అవాక్కయ్యారు. జాతి రత్నాల అభిమానులు ఖచ్చితంగా ఆస్కార్‌ అవార్డుకు ఈ సినిమా అర్హం అంటూ కామెంట్‌ చేశారు. మరి కొందరు మాత్రం ఇటీవలే ఆస్కార్‌ అవార్డులు వచ్చాయి. అప్పుడే నామినేషన్‌ లు ఏంటీ అంటూ అనుమానాలు వ్యక్తం చేశారు. అసలు విషయం ఏప్రిల్‌ ఫూల్‌ చేసేందుకు జాతి రత్నాలు ఈ పని చేశారు. ఆస్కార్‌ లేదు ఏమీ లేదని ఆ తర్వాత తేలిపోయింది. జాతి రత్నాలు టైటిల్‌ కు తగ్గట్లుగా అల్లరి చిల్లరగా ఉంటారు. వారికి తగ్గట్లుగా ఈ సినిమా ప్రమోషన్‌ ఉంది. ఇప్పుడు ఈ ఆస్కార్‌ నామినేషన్‌ ప్రకటన కూడా అలాగే ఉంది. మొత్తానికి ఒక సినిమాను ఎలా ప్రమోట్‌ చేయాలి అనే విషయాన్ని జాతి రత్నాలు మేకర్స్‌ యూనిట్‌ సభ్యులు కొత్త పాఠాలు నేర్పించారు అనడంలో సందేహం లేదు.