జబర్దస్త్ లో మళ్లీ అనసూయ సందడి

అనసూయ అంటే జబర్దస్ గుర్తుకు రావడం సహజం, అలాగే అనసూయ పేరు చెప్పినా జబర్దస్త్ షో, అందులో అనసూయ డ్రస్సులు - అందాలు గుర్తుకొస్తాయి. అయితే పరిస్థితులు ఏమైనా అనసూయ ఆ షో నుంచి బయటకి వచ్చేసింది. ఆ ప్లేస్ ని వీలైనంతవరకూ రేష్మీ గౌతమ్ ఫిల్ చేస్తోంది.

రేష్మీ కూడా జబర్దస్త్ కామెడీ షోలో వేడి బాగానే పుట్టిస్తున్నా.. ఈ మార్క్ వేసింది మాత్రం అనసూయే. తెలుగు టీవీ షోలను గ్లామర్ తో నింపచ్చని ప్రూవ్ చేసిన ఈ భామ.. ఇప్పుడు మళ్లీ జబర్దస్త్ షోలలో సందడి చేస్తోంది. అదేంటీ జబర్దస్త్ లో రేష్మీ కదా యాంకర్.. మళ్లీ అనసూయ వస్తోందా అనిపించచ్చు కానీ.. అదేం లేదు ఇప్పటికైతే రేష్మీనే యాంకర్. కానీ కొన్ని ఎపిసోడ్స్ లో మాత్రం అనసూయ కనిపిస్తుంది. అదే ట్విస్ట్.

మళ్లీ ఇదేం మెలిక.. ఒక షో నే ఇద్దరు హ్యాండిల్ చేస్తారా అనుకుంటున్నారా.. అదేం లేదు. అనసూయ చేసిన పాత ఎపిసోడ్స్ మళ్లీ టెలికాస్ట్ అవుతున్నాయి. కాకపోతే ఈటీవీలో కాదు.. కొత్తగా స్టార్ట్ అయిన ఈటీవీ ప్లస్ లో. ఈ ఛానల్ కోసం జబర్దస్త్ ఓల్డ్ ఎపిసోడ్స్ అన్నిటినీ రీమిక్స్ పేరుతో టెలికాస్ట్ చేస్తున్నారు. దీంతో జనాలకు మళ్లీ అనసూయని జబర్దస్త్ లో చూసే ఛాన్స్ వచ్చింది. అప్పట్లో ఎవరైనా మిస్ అయుంటే.. ఇప్పుడా బుల్లి తెర గ్లామర్ ని చూసి మురిసిపోవచ్చు.