ఇంట్లోనే పోల్ డ్యాన్స్ సెటప్

శ్రీలంక నుంచి బాలీవుడ్ కు దిగుమతి అయిన అందం జాక్వెలిన్ ఫెర్నాండెజ్. సూపర్ ఫిజిక్ తోపాటు అందాలు ఆరబోయడంలో ఏ మాత్రం మొహమాట పడే టైపు కాకపోవడంతో బోలెడు అవకాశాలు ఆమెను వెతుక్కుంటూ వచ్చేశాయి. తన లేటెస్ట్ సినిమా ‘ఎ జంటిల్ మేన్’ సినిమా కోసం జాక్వెలిన్ పోల్ డ్యాన్స్ నేర్చేసుకుంది. మొదటి నుంచి ఈ భామ ఫిట్ నెస్ విషయంలో కాస్తంత జాగ్రత్తగానే ఉంటుంది. దీంతో పనిలో పనిగా పోల్ డ్యాన్స్ లో పర్ ఫెక్ట్ అవడానికి ప్రయత్నాలు మొదలెట్టేసింది.

సిద్ధార్ధ్ మల్హోత్రా హీరోగా నటిస్తున్న ‘ఎ జంటిల్ మేన్’ సినిమాలో ఒక పాటలో పోల్ డ్యాన్స్ చేస్తూ కనిపించాలి. పోల్ డ్యాన్స్ అంటే మామూలుగా ఉండటం కాదు. బాడీ మొత్తం విల్లులా వంచి విన్యాసాలు చేయగలగాలి. కష్టం కాబట్టి ఏదో కొంచెం నేర్చుకుని సరిపెట్టేసే పనిలా కాకుండా పూర్తి స్థాయిలో నేర్చుకోవడం మొదలెట్టింది. రెగ్యులర్ గా ఈ డ్యాన్స్ చేయడం ఫిట్ నెస్ కు ఎంతో ఉపయోగం కాబట్టి స్పెషల్ క్లాసెస్ కు అటెండ్ అయి మరీ నేర్చుకుంది. తాను పోల్ డ్యాన్స్ చేసుకోవడానికి ఎంత కష్టపడిందో అభిమానులకు తెలియజేసేందుకు ప్రాక్టీస్ చేసిన వీడియోలు - ఫొటోలు సోషల్ మీడియాలో షేర్ చేసింది. ఆమె కమిట్ మెంట్ చూశాక ఫిలిం మేకర్లు ఇంప్రెస్ అయిపోయారు. అందుకే ఈ సినిమాలో చంద్రలేఖ పాట మొత్తం జాక్వెలిన్ పోల్ డ్యాన్స్ తో షూట్ చేశారు. ఇప్పుడు మ్యాటర్ ఏంటంటే.. ఈ డ్యాన్స్ సెటప్ ఇంట్లో పెట్టేసుకుని.. అదేనండీ ఒక పోల్ రెడీ చేయించుకుని.. రోజూ ఇంట్లోనే పోల్ డ్యాన్స్ చేస్తోందట.

జాక్విలిన్ కర్వీ బాడీ ఇప్పటికే కుర్రాళ్లకు నిద్ర లేకుండా చేసేలా ఉంటుంది. ఇప్పుడు పోల్ డ్యాన్స్ చేస్తూ తన ఒంపుసొంపులతో మరింత ఎక్సైట్ చేసేస్తోంది. ఈ విషయంలో సోషల్ మీడియాలో ఇప్పటికే ఆమెపై ప్రశంసలు కురిపించేస్తున్నారు. ఫాక్స్ స్టార్ స్టూడియోస్ నిర్మిస్తున్న ఎ జంటిల్ మేన్ సినిమాను తెలుగు దర్శక ద్వయం రాజ్ & డి.కె. డైరెక్ట్ చేస్తున్నారు.