ఆ హీరో గుర్రాన్ని వ‌ద‌ల్లేక‌పోతున్న హీరోయిన్

లాక్ డౌన్ వేళ‌ బాలీవుడ్ కండ‌ల‌ హీరో స‌ల్మాన్ ఖాన్ చిద్విలాసం తెలిసిందే. స్నేహితురాళ్ల‌ను వెంటేసుకుని ముంబైకి దూరంలో ఉన్న ప‌న్వేల్ ఫామ్ హౌస్ లో వాలిపోయిన భాయ్ స్వీయ నిర్భందాన్ని ఫుల్ గా ఎంజాయ్ చేస్తున్నాడు. గాళ్స్ లో జాక్వెలిన్ ఫెర్నాండెజ్.. లూలియా వాంటూర్ ఉన్నారు. వీళ్ల‌తో పాటు ఆ ఫామ్ హౌస్ లో వేరొక స్పెష‌ల్ గెస్ట్ కూడా ఉంది లెండి. ఇటీవ‌లే భామలిద్ద‌రూ భాయ్ తో మాంచి రొమాంటిక్ మూడ్ లో ఉన్న ఓ వీడియో బ‌య‌ట‌కు వ‌చ్చింది. అందులో లులియా చాలా సంగ‌తులు ముచ్చ‌టించింది. అక్క‌డ జ‌రిగిన స‌ర‌దా స‌న్నివేశాల‌ను అభిమానుల‌తో పంచుకుని హుషారు పెంచింది. ఇక ఆ ఫామ్ హౌస్ లో ఉన్న ఓ అంద‌మైన గుర్రం గురించి...దానిపై రైడింగ్ గురించి లులియా చాలానే చెప్పుకొచ్చింది.

తాజాగా జాక్వెలిన్ ఫెర్నాండేజ్ వంతు వ‌చ్చింది. స‌ల్మాన్ స‌వారీ చేసిన ఆ గుర్రాన్ని జాక్వెలిన్ తెగ ముద్దులాడేస్తూ క‌నిపించింది. భాయ్ అంత‌కుముందే ఆ గుర్రంపై సువారికీ వెళ్లొచ్చాడ‌ట‌. దాంతో లులియా జాకీ ఇద్ద‌రూ ఎంతో ఇదిగా క‌లిసిపోయారు. ఆ టైమ్ లో కౌగాళ్‌ గెట‌ప్ లోకి మారిపోయిన జాక్వెలిన్ ఆ గుర్రాన్ని ప్రేమ‌గా నిమురుతూ ఫ్రెండ్షిప్ చేసేసింది. ఆ గుర్రం చూడ‌టానికి చాలా అందంగా ఉంది. అయితే ఆ గుర్రం కంటే హాట్ లుక్ తో జాకీ నెటిజ‌నుల్ని ఓ ఊపు ఊపేస్తోంది. దీనిపై ఇప్ప‌టికే ఫ్యాన్స్ నుంచి కామెంట్లు ప‌డుతున్నాయి.

నిజ‌మే జాక్వెలిన్ త‌న ముందు ఉన్న‌ గుర్రంతో పోటీప‌డుతూ ఎంతో స్పెష‌ల్ గా క‌నిపిస్తోంది. గుర్రంతో జాకీ ర‌క‌ర‌కాల భంగిమ‌ల్లో ఉన్న ఫోటోలు వేడెక్కిస్తున్నాయి. ఉషోద‌యాన లేదా సంధ్యా స‌మ‌యాన‌ సూర్య‌ కిర‌ణాలు ఏట వాలుగా ఆ గుర్రంపైనా జాకీపైనా ప‌డుతున్న‌ప్పుడు కెమెరా క్లిక్ మంది. ఆ ఫోటోలో కౌబాయ్ డ్రెస్ లో జాక్వెలిన్ మరింత అందంగా క‌నిపిస్తోంది. స్కిన్ టైట్ డ్రెస్.. పాదాల నుంచి మోకాళ్ల వ‌ర‌కూ సేప్టీ షూస్ తో అరేబియ‌న్ గుర్రంలా క‌నిపిస్తోంది. జాకీ ఆల్బ‌మ్ లో ఇది ఎంతో స్పెష‌ల్ ఫోటో అని చెప్పొచ్చు. ప్ర‌స్తుతం ఈ బ్యూటీ.. జాన్ అబ్ర‌హం స‌ర‌స‌న ఎటాక్ అనే సినిమాలో న‌టిస్తోంది. మ‌రిన్ని ప్రాజెక్టుల్ని ఖాతాలో వేసుకుంద‌న్న స‌మాచారం ఉంది.