సెల్ఫీ గోల్స్ స‌రే కానీ జాకీ ఒరిజినాలిటీ షాకిస్తోందిగా!

స‌రిగ్గా ఏడాది క్రితం అందాల చంద‌మామ కాజ‌ల్ అగ‌ర్వాల్ ఓ ఫోటోని షేర్ చేసి దానికి ఒక ఆస‌క్తిక‌ర క‌థ‌నాన్ని చెప్పుకొచ్చింది. కాజ‌ల్ మేకప్ లెస్ ఒరిజిన‌ల్ ఫోటో అది. తాను మేక‌ప్ లేక‌పోతే అందంగా ఉండ‌న‌ని కాజ‌ల్ ఒరిజిన‌ల్ రూపాన్ని బ‌య‌ట‌పెట్టేసింది. ముఖంపై మ‌చ్చల ర‌హ‌స్యాన్ని ఓపెనైంది. అయితే అందం అనేది కేవ‌లం శ‌రీరానికి సంబంధించిన‌ది కాదు. అంత‌ర్గ‌త సౌంద‌ర్యానికి సంబంధించిన‌ది అని కాజ‌ల్ క్లాస్ తీస్కుంది.

ఇదిగో ఇప్పుడు జాక్విలిన్ ఫెర్నాండెజ్ ఒరిజినల్ రూపం ఆ విష‌యాన్ని మ‌రోసారి గుర్తు చేసింది. బ్యాడ్ బోయ్ అంటూ సాహోలో ప్ర‌భాస్ వెంట‌ప‌డిన బ్యూటీయేనా ఇది? అంటూ సందేహాలొస్తున్నాయి. అయినా అందం అనేది ప్ర‌తిభ‌కు సంబంధించినది యాటిట్యూడ్ కి సంబంధించిన‌ది అని జాకీ చాలాసార్లు నిరూపించింది.

ఈ బ్యూటీ కింగ్ ఫిష‌ర్ క్యాలెండ‌ర్ గాళ్ గా పాపుల‌రై సూప‌ర్ మోడ‌ల్ గా రాణించి శ్రీ‌లంక‌కు చెందిన మిస్ గా సినీప్ర‌పంచానికి సుప‌రిచిత‌మైంది. ప్ర‌స్తుతం ప‌వ‌ర్ స్టార్ ప‌వ‌న్ క‌ల్యాణ్ న‌టిస్తున్న హ‌రిహ‌ర వీర‌మ‌ల్లు చిత్రంలో జాక్విలిన్ ఓ కీల‌క పాత్ర పోషిస్తోంది. నిధి అగ‌ర్వాల్ యువ‌రాణిగా క‌నిపించ‌నుంది. అర్జున్ రాంపాల్ ఈ చిత్రంలో మ‌రో కీల‌క పాత్ర పోషించ‌నున్నార‌ని తెలిసింది.