భాయ్ అంటే జాకీకి ఎందుకింత కిక్కు?

త‌న పుట్టినరోజున `కిక్` సహనటుడు సల్మాన్ ఖాన్ ‌తోనే ఫ‌న్ జ‌న‌రేట్ చేస్తూ హ్యాపీ మూడ్ ని ఇలా ఫోటో రూపంలో షేర్ చేసుకుంది జాక్విలిన్ ఫెర్నాండెజ్. తన ఇన్ ‌స్టాగ్రామ్ లో అదిరిపోయే ఫోటోని షేర్ చేసి దానికి ఆస‌క్తిక‌ర క్యాప్ష‌న్ ఇచ్చింది. ఈ ఫోటోలో స‌ల్మాన్ బోయ్ వ‌ర్సెస్ బేబి జాకీ మ‌తులు చెడ‌గొడుతున్నారు. ఈ టీనేజీ లుక్ ఎలా సాధ్య‌మైంది? అంటే‌.. ట్రెండింగ్ బేబీ ఫిల్టర్ ఉపయోగించి ఇలా డిజైన్ చేసారు. చూడ‌గానే వ్వావ్ అనిపించేలా క్యూట్ గా ఉందీ అంద‌మైన ఫోటో.

తాను క‌ష్ట‌కాలంలో ఉన్న‌ప్పుడు కిక్కిచ్చే కిక్ ఆఫ‌ర్ ఇచ్చి ఆదుకున్నారు స‌ల్మాన్. అందుకే ఆ రుణం ఎప్ప‌టికీ తీర్చుకోలేనని జాకీ ప్ర‌తిసారీ చెబుతుంటుంది. తన విజయానికి స‌ల్మాన్ కి రుణపడి ఉన్నానని గ‌తంలో ప‌లు ఇంటర్వ్యూలో నటి తెలిపింది. ఆమె సూపర్ స్టార్ తో గొప్ప స్నేహాన్ని కొన‌సాగిస్తోంది. స‌ల్మాన్ త్వరలో `రాధే: యువర్ మోస్ట్ వాంటెడ్ భాయ్` లో దిశా పటాని.. రణదీప్ హుడాతో కలిసి కనిపించనున్నారు. అతను `యాంటీమ్` లాంటి భారీ ప్రాజెక్ట్ లోనూ న‌టిస్తున్నాడు. అందులో త‌న‌ బావమరిది ఆయుష్ శర్మతో స్క్రీన్ స్పేస్ ని పంచుకున్నాడు.

కెరీర్ చూస్తే.. జాక్వెలిన్ చివరిసారిగా ‘డ్రైవ్’ అనే చిత్రంలో కనిపించారు. సల్మాన్ ఖాన్ తో కలిసి ‘కిక్ 2’ సెట్స్ కెళ్లాల్సి ఉంది. అక్షయ్ కుమార్ - కృతి సనోన్ నటించిన సాజిద్ నాడియావాలా నటించిన `బచ్చన్ పాండే`.. ‘సిర్కస్’.. ‘భూత్ పోలీస్’ చిత్రాల‌లోనూ న‌టిస్తూ క్ష‌ణం తీరిక లేనంత బిజీగా ఉంది.