సైమా అవార్డ్స్ లో హాట్ లుక్ తో జ‌గ‌ప‌తి!

కుటుంబ చిత్రాల క‌థానాయ‌కుడిగా జ‌గ‌ప‌తిబాబుకు మంచి క్రేజ్ ఉంది. అయినా, ఆయ‌న కెరీర్లో చాలా ఎత్తుప‌ల్లాలున్నాయి. ఆయ‌న కెరీర్ ను మ‌లుపు తిప్పిన సినిమాలు కొన్ని ఉన్నాయి. వాటిలో 'లెజెండ్' సినిమా జ‌గ‌ప‌తి కెరీర్ సెకండ్ ఇన్నింగ్స్‌ కు నాంది ప‌లికింద‌నే చెప్పాలి. ఆ సినిమాకు ముందు వ‌రుస ఫ్లాపుల‌తో అయోమయ స్థితికి చేరుకున్నాడు జగ్గూభాయ్. కానీ 'లెజెండ్'లో విలన్ పాత్ర ఆయ‌న కెరీర్ కు మ‌ళ్లీ ఊపిరి పోసింద‌నే చెప్ప‌వ‌చ్చు.

లెజెండ్ లో బాల‌య్య బాబు కు దీటైన ప్ర‌తినాయ‌కుడి పాత్ర‌లో జ‌గ‌ప‌తి ప్రేక్ష‌కుల‌తోపాటు విమ‌ర్శ‌కుల‌ను మెప్పించారు. . ఆ త‌ర్వాత ఆయ‌న క్రేజ్‌, గ్రాఫ్ అమాంతం పెరిగిపోయాయి. ఎప్పటికప్పుడు స‌రికొత్త ఔట్ ఫిట్‌ తో కనిపిస్తూ స్టైలిష్ లుక్ లో త‌న ప్ర‌త్యేక‌తను చాటుకుంటున్నాడు జగ్గూభాయ్.

శ‌నివారం ప్రారంభ‌మైన 'సైమా' వేడుకలలో జ‌గ‌ప‌తి స‌రికొత్త లుక్ లో క‌నిపించారు. గడ్డం గీసేసి.. హేర్ స్టైల్ మార్చేసి.. మీస కట్టులోనూ మార్పు చేసి డిఫ‌రెంట్ లుక్‌ తో అంద‌రినీ ఆక‌ర్షించాడు జ‌గ‌ప‌తిబాబు.

ఆయన సూట్ కూడా అదిరిపోయిందనే టాక్ వినిపించింది. 'సైమా' వేడుకల కోసం హీరోయిన్లు రకరకాల ఔట్ ఫిట్స్‌తో.. సెక్సీగా తయారై వచ్చారు. హీరోయిన్ల కంటే హాట్ గా క‌నిపిస్తూ జ‌గ‌ప‌తి ఈ వేడుకకే ప్రత్యేక ఆకర్షణగా నిలిచాడు. ఈ లుక్ అదీ చూశాక రచయితలు.. దర్శకులు మరింత ఇన్‌ స్పైర్ అయి ఆయన కోసం మరికొన్ని కొత్త పాత్రలు రెడీ చేసేస్తారేమో.

Like Us on Facebook : https://www.facebook.com/Tupakidotcom/