సౌత్ కి సూపర్ విలన్ గా జగపతి

హీరోగా కెరీర్ చివరి దశకు రాగానే జగపతి బాబు కేరక్టర్ ఆర్టిస్టుగా టర్నింగ్ ఇచ్చుకున్నాడు. సరైన అవకాశం రాగానే మెయిన్ విలన్ రూట్ లోకి టర్న్ అయిపోయి.. అక్కడ సెటిల్ అయిపోయాడు. ఇప్పటికే టాలీవుడ్ లో తెగ డిమాండ్ ఉన్న విలన్ అయిపోయిన జేబీ.. ఇప్పుడు సౌత్ అంతా పాగా వేసేస్తున్నాడు. తెలుగులోనే కాకుండా ఇతర భాషల నుంచి కూడా జగపతికి విలన్ రోల్స్ వరుసగా వస్తున్నాయి.

స్టార్ హీరోల సినిమాలో మెయిన్ విలన్ పాత్రలను వరుసగా చేయడమంటే అది కూడా ఓ రికార్డే అని చెప్పాలి. ప్రస్తుతం మన జేబీ ఓ కోలీవుడ్ మూవీలో విలన్ గా చేసేందుకు ఒప్పుకున్నాడు. ఇలయదళపతి విజయ్ హీరోగా తెరకెక్కనున్న తర్వాతి చిత్రంలో జగపతి మెయిన్ విలన్. కొంతమందిని పరిశీలించిన తర్వాత.. ఈ పవర్ఫుల్ రోల్ కి జగపతి బాబు కరెక్ట్ అని డైరెక్టర్ భరతన్ నిర్ణయించుకున్నాడు. జేబీ ఈ చిత్రంలో కూడా ఓ కొత్త లుక్ తో కనిపించనున్నాడట.

మరోవైపు మలయాళ మూవీ పులి మురుగన్ లో కూడా జగపతి బాబు నటిస్తున్నాడు. ఇందులో మోహన్ లాల్ హీరో గా నటిస్తుండగా, వైశాఖ్ డైరెక్షన్ చేస్తున్నాడు. ఈ మలయాళ మూవీలో మోహన్ లాల్ శత్రువుగా జగపతిబాబు కనిపించనున్నాడు.